Şandek Desteya Operasyonan dest bi cîbicîkirina peymana hikûmeta Sûriyê bi HSDê re li Hesekê kir

AJANS

Şanda HSD û şanda Artêşa Sûriye

Şandek ji Desteya Operasyonan îro, roja Înê, bi çend efserên Artêşa Erebî ya Sûriyê re civiya û bi beşdariya nûnerên HSDê, li çend dever û cihan li parêzgeha Hesekê gera meydanî pêk anî ku encamê wê erênî bû.

Desteya Operasyonên Artêşa Erebî ya Sûriyê îro di daxuyaniyekê de ragihand ku Armanca civînê û gera meydanî ewe ku dest bi cîbicîkirina peymana ku di navbera dewleta Sûriyê û HSDê de li ser erdê hatiye îmzekirin bikin, ji ber ku li ser qonaxên demê yên diyarkirî li hev hatin kirin daku di çend rojên pêş de dest bi cîbicîkirina mercên peymanê bikin.

Desteya Operasyonan destnîşan kir ku rêkeftin vekişîna ji deverên sivîl bo xalên leşkerî yên taybetî, vekirina riyan, hevkariya ji bo pûçkirina mayînan û rakirina astengiyan, û lezandina pêvajoya têkelkirinê li xwe digire.

Roja 30ê Çileyê, hikûmeta Sûriyê rêkeftinek bi Hêzên Sûriya Demokratîk re li ser agirbestê wekî beşek ji rêkeftineke berfireh ragihand, bi têgihîştinek li ser têkelkirin qonax bi qonax ya hêzên leşkerî û îdarî di navbera her du aliyan de, ketina hêzên ewlehiyê nav navendên bajarên Heseke û Qamîşlo, û radestkirina hemî saziyên sivîl û hikûmî, derbasgehên sînor û benderan bo dewletê.

PUKMEDIA