Jineke kurd dibe wezîra bergiriya Holandayê

Ajans

Dilan Yeşilgoz, siyasetmedara kurd û seroka Partiya Gel

Siyasetmedar û jineke kurd di hikûmeta nû ya Holandayê de, posta cîgira serokwezîr û wezîra bergiriyê werdigire û lîsteya kabîneyê jî belav dike.

Dilan Yeşilgoz, siyasetmedara kurd û seroka Partiya Gel ji bo Azadî û Demokrasiyê (VVD) ragihand ku ewê wek cîgira serokwezîr û wezîra bergiriyê di kabîneya nû ya hikûmetê de dest bi kar bike.
Dîlan li ser platforma X, lîsteya dabeşkirina wezaret û birîkarên wezaretan belav kir, ku pêkhênerên hikûmetê li ser li hev kirine.
Dilan Yeşilgoz, xelka Bakurê Kurdistanê ye û sala 1977an li bajarê Enqereyê ji dayik bûye û bi resen xelka bajarê Dêrsimê ye.
Dîlan dema ku sala 1984an ligel malbata xwe koçî Hollandayê dikin û li wir di Zanîngeha Amsterdamê de bawernameya zanistên civakî û çandî bi dest xistiye. Her ji destpêka jiyana xwe ya siyasî ve, peywendî bi Partiya Gel ji bo Azadî û Demokrasiyê kiriye û di kabîneya pêşû ya hikûmetê de, wezîra dadê ya Holandayê bû.

PUKMEDIA