Îraq Pêşwazî li Peymana navbera HSDê û Hikûmeta Sûriyê dike

Ajans

Wezareta Karên Derve ya îraqê

Wezareta Karên Derve ya Îraqê îro roja Sêşemê pêşwaziya xwe ji bo peymana agirbestê ya berfireh a di navbera hikûmeta Sûriyê û Hêzên Sûriye Demokratîk denîşan da.

Di daxuyaniyekê de ji Wezareta Karên Derve ya Îraqê de wiha hat gotin: Îraq pêşwazî li rêkeftina agirbestê ya berfireh ya di navbera hikûmeta Sûriyê û Hêzên Sûriya Demokratîk de dike, û lihevkirinên di rêkeftinê de ku yekbûna saziyên Rêveberiya Xweser di nav saziyên dewleta Sûriyê de destnîşan dike, dike, ku ev yek dibe alîkar ji bo xurtkirina aramiyê û piştgiriya pêvajoya çareseriya siyasî li Sûriyê.

Wezaretê piştrast kir ku ev rêkeftin pêngaveke erênî ye ku girîngiya pêşanîdayîna diyalog û têgihîştinê di navbera hemû aliyên Sûrî de nîşan dide, daku mafên hemû pêkhateyên Sûrî werin parastin û beşdariya wan a dadperwer di saziyên dewletê de, li ser bingeha welatîbûn û jiyana aştiyane, were misogerkirin.

Wezareta Karên Derve bersivên alîyên Sûrî ji bo hewildanên serkirdeyên Komara Îraqê bilind nirxand, ku beşdarî afirandina mercên guncaw ji bo gihîştina vê rêkeftinê bûn, li ser bingeha rola piştgir ya IÎraqê ji bo ewlehî û aramiya herêmê û heweskariya wê ya domdar ji bo piştgirîkirina çareseriyên siyasî yên ku gelan ji wêraniya pevçûnan diparêzin.

Her weha amaje bi wê yekê kir ku,Komara Îraqê helwesta xwe ya xurt di piştgiriya yekîtî û serxwebûna Sûriyê de, û piştgiriya xwe ji bo gelê bira yê Sûriyê di xwestekên wan yên ji bo ewlehî, aramî û aştiya mayînde de nû dike.

PUKMEDIA