NY û YE û Misir pêşwazî li rêkeftina navbera HSD û Hikûmetê dikin

Ajans

Alên HSD û Sûriyê

Neteweyên Yekbûyî û Yekîtiya Ewropa pêşwazî li rêkeftina navbera Hêzên Sûriye Demokratîk û Hikûmeta Demkî ya Sûriyê dikin û daxwaza misogerkirina mafên Kurdan dikin.

Sekreterê Giştî yê Neteweyên Yekbûyî pêşwazî li rêkeftina dawî ya di navbera Hêzên Sûriye Demokratîk û Hikûmeta Demkî de kir,û daxwaza pêkanîna wê ya bilez û misogerkirina parastina sivîlan û vegera ewle ya Kurdên koçber bo malên xwe kir.

Antonio Guterres:Daxwaza misogerkirina mafên welatiyên Kurd dikim

Antonio Guterres Sekreterê Giştî yê Neteweyên Yekbûyî pêşwazî li rêkeftina di navbera hikûmeta demkî û Hêzên Sûriye Demokratîk de kir û banga pêkanîna wê ya lezgîn kir, nemaze di warê entegrebûna aştiyane ya bakur-rojhilatê Sûriyê, misogerkirina mafên welatiyên Kurd, vegera ewledar û dilxwaz a kesên koçber, û xebata ji bo ji nû ve avakirina welêt.

Di daxuyaniyekê de ku ji ofîsa wî ve hatiye weşandin, Guterres tekezî li ser girîngiya bi temamî bicihanîna pabendbûnan û pêşîniya aramiyê li Sûriye û herêmê, misogerkirina parastina sivîlan û dabînkirina jiyaneke ewle û bi rûmet ji wan re kir.

Ji aliyê xwe ve, Komîsyona Navneteweyî ya Lêpirsînê ya Serbixwe ya li ser Sûriyê pêşwazî li rêkeftina agirbestê kir û daxwaza berdewamiya hewldanên ji bo parastina sivîlan kir, di nav de vegerandina niştecihên koçber û gihandina alîkariyên mirovî bo bakur-rojhilatê Sûriyeyê û tekez kir ku di her operasyonên pêşerojê de pêdivî bi pabendbûna bi yasaya mirovî ya navneteweyî û parastina binesaziya sivîl heye.

Yekitiya Ewropayê piştgirî da lihevkirina di navbera QSD û hikumeta demkî de
Yekitiya Ewropayê (YE) piştgirî da lihevkirina di navbera Hêzên Sûriyeya Demokratîk (QSD) û hikumeta demkî ya Sûriyeyê de û banga pêkanîna wê, rawestandina tundiyê, dabînkirina alîkariyan, parastina sivîlan û ewlekirina kampan û rêgirtina li ber vegera DAIŞ’ê kir.

Yekîtiya Ewropa pêşwazî li rêkeftina di navbera QSD û hikumeta demkî dike

Anouar El Anouni Berdevkê Dezgeha Dîplomasiyê ya Yekitiya Ewropa li ser rêkeftina di navbera QSD û hikumeta demkî de got:Fraksyonên Ewropî rêkeftina li ser rawestandina tevahî kiryarên dijminatiyê wekî gaveke esasî ji bo gihandina alîkariyên mirovî, parastina sivîlan û amadekirina mercên guncaw yên vegera koçberan li herêmên xwe dibîne.

Her weha El Anouni banga mîsogerkirina ewlehiya kampan û navendên ragirtina çeteyên DAIŞ’ê kir, her wiha ji bo pêşîgirtina li vegera DAIŞ û şaneyên wê yên veşartî banga xebateke cidî kir.

Serokkomarê Katalonya yê berê: Divê mafê Kurdan siyasî bên naskirin

Serokkomarê Katalonyayê yê berê Pere Aragonés Garcia, diyar kir ku divê li Sûriyê çareseriyek siyasî bê dîtin û şer bi rêyek demokratîk ve bi dawî bibe, ji mafê Kurdan re rêz were girtin.

Serokkomarê Katalonya yê berê: Xweser di asta herî bilind de rêz nîşanî mafê mirovan daye

tenê bi kontrola parçeyekî axê ve sînordar nîn e, ev têkoşîna azadiyê û ya avakirina civakekî li gorî wekheviya jin û mêr ya li Rojhilata Navîn e, ji ber vê yekê tiştê li Rojava rû didin dê ne tenê gelê Kurd an herêm lê hemû cîhanê bandor bikin, ji ber vê yekê divê çareseriyek siyasî bê dîtin û şer bi rêyek demokratîk ve bi dawî bibe,rRêzgirtina li mafên gelê Kurd û hemû gelên Rojhilata Navîn girîng e.

Misirê piştgirî da Peymana Agirbestê li Sûriyê

Misirê piştgiriya xwe ji bo lihevkirina di navbera Hêzên Sûriye Demokratîk û hikumeta demkî ya Sûriyê de ragihand û hêvî kir ku lihevkirin bibe pêngaveke girîng ya destpêkirina proseya siyasî ya giştî ku tevahî pêkhateyên Sûriyê di nava xwe de bigire û yekitî û ewlehiya welat xurt bike.

PUKMEDIYA