Mazlûm Ebdî: Bo rêgirîkirin li qirkirina Kurdan me rêkeftin kir

ANHA

Fermandarê Giştî yê Hêzên Sûriye Demokratîk (HSD) Mazlûm Ebdî

Fermandarê Giştî yê Hêzên Sûriye Demokratîk (HSD) Mazlûm Ebdî ragihand ku armanca peymana bi hikumeta demkî re agirbest û pêşiya planên qirkirina gelê Kurd were girtin û Ebdî got:Hêzên hikumeta demkî nakevin bajar û gundên Kurdan, birêvebirina wan wê ji hêla xelk û hêzên wan yên xwecihî be û tekez kir ku wê di 2ˊyê Sibatê de peyman bikeve meriyetê.

Fermandarê Giştî yê Hêzên Sûriye Demokratîk (HSD) Mazlûm Ebdî di bernameyeke taybet li ser kanala Ronahî TV de de ragihand ku hevdîtin di 27ˊê Çileyê de bi serokê hikumeta demkî Ehmed El Şereh re çêbû, dûre vê sibehê peywendiyeke telefonê çêbû, peymanek bi armanca rawestandina şer hat ragihandin. Ev rêkeftin bi armanca pêşî li plana qirkirinê ya mezin a li dijî gelê Kurd bigire pêk hat,li hember vê planê tu tevgereke hêzên navneteweyî û civaka navneteweyî tune bû.

Ebdî ddiyar kir ku li gorî rêkeftinê hêzên hikumeta demkî nakevin bajar û gundên Kurdan,erka parastina van herêman wê ji hêla Hêzên Asayîşa Navxwe ve be, wiha got:Me li hev kir ku hêzeke sînordar û diyar ji Ewlehiya Giştî derbasî çargoşeya ewlehiyê ya Qamişlo û Hesekê bibin, tenê erkên wan îdarî bin, da ku proseya entegrasyonê bi Hêzên Ewlekariya Hundirîn re bişopînin.

Ebdî: Rêkeftin ji hemû aliyan ve taybetmendiya herêmên Kurdî xurt kir

Ebdî aşkere kir ku rêkeftinê ji tevahî aliyên îdarî, leşkerî, ewlehî û siyasî ve taybetmendiya herêmên Kurdan xurt kir û hêzên leşkerî derbasî tu gund û bajarekî Kurdan nabin,birêvebirina van herêman dê ji hêla xelk û karmendên an ên Cizîrê û Kobanê be. Wê hêzên HSDê jî xwe li gorî tûgayan li van her du herêman xwe bi rêxistin bike.

Ebdî:Dorpêça li ser kobanê tê rakirin

Ebdî da zanîn ku wê dorpêça li ser Kobanê rabe, di 2ˊyê Sibatê de rêkeftin dikeve meriyetê, hêzên HSDê û yên hikumeta demkî ji eniyên şer yên Cizîr û Kobanê vedikişin, ev lihevkirin piştre herêmên Efrîn, Serêkaniyê jî digirin nava xwe, ji ber ku herêmên Kurdî ne.

Ebdî: tevahî karmendên saziyên girêdayî Rêveberiya Xweser dê erkên xwe bidomînin

Girêdayî vê mijarê, Ebdî ragihand ku tevahî karmendên saziyên girêdayî Rêveberiya Xweser wê entegreyî saziyên girêdayî hikumeta demkî bin û erkên xwe dewam bikin û derbarê garantiyên navneteweyî jî, serokê Amerîka bi serokê Sûriyê re axivî û piştgirî da rêkeftinê û serokê Fransa jî got:Ewê garantorê siyasî ya rêkeftinê be.

Ebdî:Ji bo yekîtiya Kurdan ez xebatên xwe bidomînin

Li ser cih û berpirsiyariya wî piştî rêkeftinê, Mazlûm Ebdî got: Ezê di nava gelê xwe de li ser pêşxistina yekitiya Kurdî bixebitin, min tevahî pêşniyarên girêdayî siberoja xwe red kirin,min mayîna di nav gel de û karkirina li ser yekrêziya Kurdî tercîh kir û got:Em dizanin ku piranî gelê me ji vê peymanê nerazî ye, lê di vê qonaxê de ev bijardeya guncaw û heyî bû, lewra em ji gelê xwe re dibêjin ku bila rihet û bawer bin.

Ebdî:Dîlên her du aliyan dê bên alûgurkirin

Der barê vê mijarê de Ebdî daxuyand ku bi hikumetê re li ser vegerandina tevahî dîlgirtiyan li nava malbatên wan li hev kiriye, ji ber ku ev gaveke mirovî ya bingehîn di peymanê de ye û ji bo bidawîkirina zehmetiyên malbatan û xurtkirian baweriyê di nava aliyan de ye.

Ebdî: Helwesta gel guherînek di raya giştî de çêkir û bû sedem lihevkirin çê bibe

Ebdî serbilindî û kêfxweşiya xwe bi gelê Kurd û Kurdistanê ya serî hildaye û li kêlek hêzên xwe sekîniye anî ziman û got vê helwesta gel guherînek di raya giştî de çêkir û ji sedema ku hiştiye ev lihevkirin pêk were, ye. Ebdî silavên xwe ji gelê Kurdistanê, hêz û partiyên siyasî yên Kurdî re şandin.

Ebdî:Em spasiya serokên Kurdan dikin û berxwedana gel jî li çar parçeyên Kurdistnê silav dikin

Fermandarê Giştî yê HSDê Mazlûm Ebdî di dawiyê de berxwedana gelê herêmê silav kir û got: ewê heta pêkanîna tevahî mafên rewa têkoşînê dewam bikin û bang li koçberan kir ku vegerin malên xwe, bi taybet xelkê bajarê Hesekê.

PUKMEDIA