Çar hêzên mezin daxwaza ragirtina êrîşên ser Rojava kirin

Heyva Sor ya Kurdistanê

Koçberbûna Kurdên Rojava

Wezaretên Karên Derve yên Fransa, Brîtanya û Almanya û Nûnerê Taybet ê Amerîka yê li Kurdistanê daxuyaniyek hevbeş weşandin û daxwaza vekirina deriyên mirovî ji bo Rojava û ragihandina agirbestek mayînde bê ragihandin.

Daxuyaniya hevbeş ya wezaretên derve yên Fransa, Brîtanya, Almanya û nûnerê taybet yê Amerîka:

Em piştgiriyê didin dirêjkirina agirbesta di navbera hêzên çekdar yên hikûmeta Sûriyê û Hêzên Sûriya Demokratîk de ji bo 15 rojên din, ku di 24-01-2026 an de hatibû ragihandin û mm daxwaz li hemû aliyan dikin ku bi tevahî pabendî agirbestê bibin, û em daxwaz li hemû aliyên derve dikin ku ji bo aştî û kêmkirina tundûtûjiyê tevlî me bibin.

Em piştgiriyê didin pabendbûna parastina sivîlan û jêrxana sivîl û vekirina deriyên mirovî ji bo misogerkirina belavkirina ewle û bê asteng ya alîkariyên mirovî pêşwazî dikin û tekezî li ser ji nû ve destpêkirina xizmetguzariyên bingehîn li Kobaniyê dikin, her wiha em piştgiriyê didin rola girîng ya ku Îraq û Hikûmeta Herêma Kurdistanê, Hikûmeta Sûriyê û Hêzên Sûriye Demokratîk di şerê li dijî DAIŞê de dilîzin.

Her wiha em daxwaz li hemû aliyan dikin ku bi lez û bez li ser agirbesteke mayînde li hev bikin û ji bo destpêkirina danûstandinan di zûtirîn dem de bi armanca yekîtîyeke aştiyane ji bo mayîndebûna Rojavayê Kurdistanê karbikin,di çarçoveya dewleteke yekgirtî li Sûriyê de ku bi bandor rêz li mafên hemû welatiyên xwe digire û diparêze, li gorî Peymana 18ê Çileya 2026an, ji ber ku ev rêya herî bibandor e ji bo anîna aramiyê li Sûriyê.

Di çarçoveya dewleteke yekgirtî li Sûriyê de ku bi bandor rêz li mafên hemû welatiyên xwe digire û diparêze, li gorî Peymana 18ê Çileya 2026an, ji ber ku ev riya herî bibandor e ji bo anîna aramiyê li Sûriyê, Her wiha em tekez dikin ku pêwîstiya bi hewldanên berdewam û kolektîf ji bo şerê li dijî DAIŞê heye,em bang li hemû aliyan dikin ku ji her kêmasiyeke ewlehiyê di navendên ragirtinê yên DAIŞê de dûr bisekinin.

PUKMEDIA