Human Rights: Artêşa Sûrî li Rojavayê Kurdistan tawanên şer dike

Ajans

Logoya Human Rights Watch

Rêxistina Human Rights Watch di raporta xwe ya dawî de artêşa Sûriyê bi tawanên şer li Rojavayê Kurdistanê, di nav de bêrêzîkirina termên şervanek ya jin û dorpêçkirina sivîlan, tawanbar kir.

Li gorî raportek  Rêxistina Human Rights Watch (HRW), çekdarên hikûmeta Şamê li taxên Helebê termê şervanek ya jin ji banê avahiyekê avêtin xwarêû ev yek wekî term û tawanek şer hatiye hejmartin.

Di raporta Rêxistina Human Rights Watch hatiye ku hêzên ewlehiyê yên hikûmeta Şereh li Helebê piştî kontrolkirina bendava Tişrînê ji aliyê hêzên hikûmetê ve, dest bi operasyoneke girtinê kirine û bi dehan welatiyên Kurd revandine cihên ne diyar û av û kareba li ser Kobanî û hin deverên Helebê bi zanebûn hatine qutkirin.

Her di wê derbarê de, Adam Kugel, cîgirê rêveberê beşa Rojhilata Navîn ya Human Rights Watch, aşkere kir ku bikaranîna pêdiviyên bingehîn wekî çek li dijî sivîlan binpêkirin û tawana li dijî mirovahiyê ye.

Ev yek di demekê de ye ku, êrîşên hêzên çekdar yên Şamê li ser herêmên Kurdî yên Rojava ji roja 6ê Mijdarê ve berdewam in û bi sedan welatiyên Kurd ji herêmên Rojava koçber bûne û şervan jî li hember êrîşan berevaniyê dikin û li ber xwe didin.

PUKMEDIA