Qubad Talebanî: YNKê rijde li ser çareserkirina pirsgirêkan li gorî destûrê

Nivîsgeha Ragihandina Qubad Talebanî

Qubad Talebanî û Ebdul Husên Mûsewî

Şanda pilebilind ya Yekîtiya Nîştimanî ya Kurdistanê (YNK) bi serokatiya Qubad Talebanî ku ji Darbaz Kosret Resûl, Xalid Şuwanî û Yûsif Goran pêk dihat, bi awayekî cuda li Bexdayê digel Serokê Hevpeymaniya Nehca Nîştimanî Ebdul Husên Mûsewî û Ehmed Esedî Serokê Hevpeymaniya Sened civiya.

Di herdu civînên ku roja Yekşemê 25/01/2026an hatin lidarxistin de, li ser rewşa niha ya Îraqê û çawaniya pêkanîna hikûmeta bê û peywendiyên di navbera Herêma Kurdistanê û Bexdayê de nêrîn hatin alûgurkirin.

Derbarê pêkanîna hikûmeta bê de, şanda YNKê tekezî li ser pêkanîna hikûmeteke bikêrhatî û bihêz kir ku bikaribe aramiya Îraqê biparêze û bibe razîbûna hemû pêkhateyên Îraqê.

Her weha aşkere kir ku YNKê pêdagire li ser çareserkirina pirsgirêkên di navbera Herêma Kurdistanê û Bexdayê de li gorî destûrê û bi pêwîst zanî ku hevkarî û hemahengiya di navbera Herêma Kurdistanê û Bexdayê de were xurtkirin û bi hevre kar bikin ji bo parastina aramî û geşepêdana aborî li Îraq û Kurdistanê.

PUKMEDIA