Qubad Talebanî: Divê pêşîniya hikûmeta Îraqê û herêmê çareserkirina pirsgirêkên navbera wan be

Nivîsingeha Ragihandina Qubad Talebanî

Qubad Talebanî û Emar Hekîm

Şanda bilind ya Yekîtiya Niştimaniya Kurdistanê (YNK) bi serokatiya Qubad Talebanî, bi amadebûna Darbaz Kosret Resûl, Xalid Şuwanî û Dr.Yûsif Goran, li Bexdayê digel Serokê Rewta Hîkme Ammar Hekîm civiya.

Di civîna roja Şemiyê (24/01/2026) de, her du aliyan nerînên xwe ji bo hikûmeta pêşerojê ya Îraqê anîn ziman, û li hev kirin ku bi lez û bez di navbera aliyên siyasî yên hemû pêkhateyan de lihevkirinek çêbibe da ku di zûtirîn dem de hikûmetek nû were pêk anîn.

Qubad Talebanî aşkere kir ku YNK pêdagire liser wê yekê ku divê pêşîniya hikûmeta bê ya Îraq û Herêma Kurdistanê çareserkirina pirsgirêkên di navbera wan de be û bi taybetî pirsa budçeyê, ku mafekî destûrî yê gelê Herêma Kurdistanê ye û çênabe bê êxistin çarçoveya nakokî û hevrikiyên siyasî.

PUKMEDIA