Le Pen bo Parîs û Rojava: We bi awayekî tirsonek dev ji Kurdan berda

El Hel

Marine Le Pen, Seroka Partiya Kombûna Neteweyî ya Fransa

Siyasetmedareke navdar ya Fransî rexneyek tund li hikûmeta welatê xwe û civaka navneteweyî, bi taybetî hikûmetên Rojava digire, Ji ber dev ji Kurdan berdan û piştgiriya kesên ku duh "cîhadîst" bûn dike.

Marine Le Pen: Kurdên bi mêrxasî li dijî DAIŞê şer kirin ji aliyê hikûmetên rojavayî û civaka navneteweyî ve hatin paşguhkirin.

Marine Le Pen, Seroka Partiya Kombûna Neteweyî ya Fransa, got:Şervanên Kurd yên ku bi mêrxasî li dijî DAIŞê şer kirin, niha ji aliyê hikûmetên rojavayî û civaka navneteweyî ve hatine paşguhkirin.

Le Pen, di posteke li ser hesabê xwe yê platforma "X" de, rexne li Serokê Fransa Emmanuel Macron girt ji ber ku wî li Koşka Élysée hejmarek berpirsên payebilind yên Sûrî pêşwazî kir ku berê "cîhadîst" bûn.

Le Pen, serokkomarê Fransî bi "rewakirina îslamîzmê" tawanbar kir

Le Pen, serokkomarê Fransî bi "rewakirina îslamîzmê" tawanbar kir, ku li gorî wê, ev gav bû sedema "berdewamiya çewisandina pêkhateyan li Sûriyê.

Le Pen got: Kurd bi vî rengî dimirin; ewên ku bi wêrekî şerê li dijî terorîstên DAIŞê kirin bi tirsonekî hatine paşguhxistin, û civaka navneteweyî çavên xwe ji vê yekê digire.

Marine Le Pen,biryarên dîplomatîk yên hikûmeta Parîsê wekî sedemek ji bo zirardayîna Kurdan û pêkhateyên din yên Sûriyê bi nav kirin 

Rastgira Fransî biryarên dîplomatîk yên hikûmeta Parîsê wekî sedemek ji bo zirardayîna Kurdan û pêkhateyên din yên Sûriyê bi nav kirin û got: Serokomar, bi dayîna rewatiyê û rêzgirtinê ji îslamîzmê re, îro berpirsiyariyek giran ji bo çewisandina kêmneteweyan li Sûriyê hildigire ser xwe.

Li hemberî wê yekê,hikûmeta Macron berê piştgiriya xwe ji bo hêzên Kurdî wekî beşek ji stratejiyeke berfirehtir ya ber bi Sûriyê ve parastibû, û tekez kiribû ku Fransa dê dev ji hevalbendên xwe bernede û daxwaz kiribû ku Kurd di diyalogên navneteweyî de cih bigirin.

Daxuyaniyên Le Pen di demekê de hat ku li herêmên bakur û rojhilatê Sûriyê, ku navenda hebûna Kurdan li Sûriyê ne, piştî êrîşa hêzên Hikûmeta Demkî ya Sûriyê li ser wan deveran rû dan,êrîş bi gelek tawan û binpêkirinên belgekirî yên li dijî sivîlan ve hate têkbirin, berî ku di navbera Şam û HSDê de ji bo 4 rojan peymanek agirbestê ya demkî were çêkirin ku îro Şemî dema wê ye.

PUKMEDIA