Partiyek Siwêdî:Daxwaza ragirtina tundiya li dijî Kurd dike

Ajans

Berdevkê Siyaseta Derve ya Partiya Sosyal Demokrat ya Swêdê, Morgan Johansson

Berdevkê Siyaseta Derve ya Partiya Sosyal Demokrat ya Swêdê, Morgan Johansson, daxwaza ragirtina yekser ya tundûtûjiya li dijî gelê Kurd li Sûriyê kir, û fikarên xwe yên kûr li ser rewşa ewlehiyê ya welêt ku bi lez xirab dibe anî ziman.

Di daxuyaniyek fermî de, Morgan Johansen êrîşên ku ji hêla hêzên ser bi hikûmeta Sûriyê de li dijî Kurdan û deverên ku piraniya niştecihên wan Kurd in, şermezar kir, û daxwaza agirbestek berfireh, vegera hemû aliyan li ser maseya danûstandinan û ji nû ve destpêkirina diyaloga siyasî li ser pêşeroja Sûriyê kir.

Tekez jî kir ku Sosyaldemokratan hemû binpêkirinên mafên mirovan bi tundî şermezar kirin, û daxwaz kirin ku berpirsiyar werin sizadan, lêpirsînên serbixwe yên li ser tawanên hatine kirin û darizandina kesên têkildar were kirin.

Di daxuyaniyê de hat destnîşankirin ku hêzên Kurdî, bi hevkariya hevpeymaniya navneteweyî, roleke girîng lîstine û qurbaniyên mezin dane ku bi awayekî diyarker beşdarî têkbirina rêxistinên terorîst bûn, ji ber ku ev yek berpirsiyariyeke taybetî dixe ser milê welatên hevpeymaniyê ku tedbîrên cidî û tavilê bigirin daku êrîşên heyî yên li dijî Kurd rawestînin.

Morgan Johansson got: Partiya wan tekezî li ser pêwîstiya gerentîkirina mafên giştî û takekesî yên hemû komên etnîkî û olî li Sûriyê kir, û tekez kir ku her qonaxek veguhêz piştî desthilatdariya Beşar Esed divê hemû alîyan vehewîne û ti alîyan ji derve nehêle.

Di dawiyê de bang li hikûmeta Swêdê kir ku hemû riyên dîplomatîk ên berdest bikar bîne daku rê li ber karesateke mirovî ya nû li Sûriyê bigire, û tekez kir ku her alîkarî an piştgiriya siyasî ya Swêdê ji bo Şamê divê bi mercên zelal yên têkildarî demokrasiyê, rêzgirtina mafên mirovan û parastina kêmneteweyan ve girêdayî be.