Xanim Şanaz: Bila sala nû ji bo gelê me bextewariyê bîne

PUKMEDIA

Şanaz Îbrahîm Ehmed

Xanima Yekem ya Îraqê Şanaz Îbrahîm Ehmed bi boneya sersalê peyamek pîrozbahiyê ji gelê Îraqê re şand û ragihand ku, ez hêvî dikim ku refah û aştî bê welatê me û her kes di aştiyê de bijî.

Ev naveroka nivîsî ye:

Bi hêvî ez li benda destpêka sala nû me û bi germî pîrozbahiyê li hemû gelê Îraqê dikim.
Me sala 2025an bi hemû şahî û xemgîniyan derbas kir,emê bêyî şandina silavan ji qurbaniyên xwe re nekevin sala nû.

Di hemberî sersala nû de, hîna dilê min hîn jî bi qurbaniyên karesata xwezayî ya li Çemçemalê re ye û ez hêvî dikim ku di sala 2026an de xemgînî û êşa wan sivik bibe.
Her çende em li Îraqê ber bi pêkanîna hikûmeteke nû ve diçin jî, lê mixabin li Herêma Kurdistanê me ev sal bêyî hikûmeteke nû û parlamenke nû derbas kir,ez hêvî dikim ku serdema vê nebûna parleman û hikûmetê li herêmê zû bi dawî bibe û astengiyên li pêşiya avakirina Hikûmeta Herêma Kurdistanê ji holê rabin.

Hêvî dikim ku di sala nû de pêvajoya çareseriyê li Turkiyê biqede û li herêmê aştî serdest be.

Ez ji Xwedê lava dikim ku xwişk û birayên me yên li Rojavayê Kurdistanê, yên ku DAIŞ wekî dijminê herî mezin yê mirovahiyê têk birin, di sala nû de bi serbilindî, aştî û aramiyê re bi hemû gelên wî welatî re bijîn.

Her wiha ez hêvî dikim ku gelê Îranê, bi taybetî xwişk û birayên min yên li rojhilat, ji hemû zehmetiyên ku kişandine, bi taybetî ji bihayên bilind, rewşa aborî ya dijwar û zehmetiyên jiyanê, rizgar bibin.

Mixabin,ev yek sale li Xezeyê, Rojavayê Kurdistanê û gelek deverên din bi hezaran zarok hatine kuştin, ew şehîd bûn, birîndar bûn, an bêmal man, em nikarin hêvî bikin ku ev sal nû be, bila ew mizgîniya aştî û serfiraziyê bîne wan û hemû cîhanê û miletên din.

Ji bo sala nû, ez hêvî dikim ku refah û aştî were welatê me û her kes di aştiyê de bijî.

Careka din hatina sala  nû liwe pîroz be.

Şanaz Îbrahîm Ehmed

PUKMEDIA