Mekteba Siyasî: Divê hikûmetek xizmeta neteweyî ya dadperwer bike bê avakirin

PUKMEDIA

Logoya Yekîtiya Nîştimanî ya Kurdistanê

Îro Sêşem rêkefta 23-12-2025 an Mekteba siyasî ya Yekîtiya Nîştimanî ya Kurdistanê (YNK) li Dabaşanê bi serokatiya Bafil Celal Talebanî civînek li dar xis û di daxuyaniyekê de,tekez kir: derbarê avakirina Hikûmeta Herêma Kurdistanê de, Yekîtiya Niştimanî ya Kurdistanê (YNK) rijde li ser hikûmetek dadperwer ya xizmeta neteweyî were avakirin; û li ser vê bingehê, YNKê ji bo diyaloga avaker vekirî ye.

Naveroka daxuyaniya Mekteba Siyasî:

Yekîtiya Niştimanî ya Kurdistanê (YNK) careke din tekez dike ku pêwîste hikûmetek bi bandor, xizmetguzar û girîngiyê bide berjewendiyên gelê me.

Mekteba Siyasî ya Yekîtiya Niştimanî ya Kurdistanê (YNK) îro ji bo gotûbêjkirin pirsa avakirina hikûmeta federal û Hikûmeta Herêma Kurdistanê bi serokatiya Bafil Celal Talebanî Serokê Yekîtiya Niştimanî ya Kurdistanê (YNK)  li Debaşanê civînek li dar xist û bi berfirehî li ser mijarên avakirina hem hikûmeta federal û hem jî ya Hikûmeta Herêma Kurdistanê gotûbêj kir.

Di civînê de, derbarê avakirina Hikûmeta Herêma Kurdistanê de, rijdbûna YNKê li ser avakirina hikûmeteke dadperwer ya xizmeta neteweyî hat nîşandan;û li ser vê bingehê, YNKê ji bo diyalogeke avaker vekirî ye.

Her weha derbarê avakirina hikûmeta federal jî Mekteba Siyasî ya Yekîtiya Niştimaniya Kurdistanê (YNK) her tekez kir ku ew dixwaze li Bexdayê hikûmetek xizmeta neteweyî bê ava kirin,ku têde mafên destûrî yên gelê me parastî be û daxwazên hemû pêkhateyan li welêt nîşan dide, Ev Jî ji ber nêrîna rast Ya YNKê ye ku dibêje Bexda kûrahiya stratejîk Ya Herêma Kurdistanê ye, Ji bo vê armancê, YNKê dê diyalog û civînên xwe bi hemû aliyan re bidomîne.

Mekteba Siyasî ya Yekîtiya Niştimanî ya Kurdistanê

23/12/2025      

PUKMEDIA