Serok Bafil bo aliyên Îraqî: Divê gavên pêkanîna hikûmetê bileztir bin

PUKMEDIA

Civînên Serok Bafil li Bexdayê

Bafil Celal Talebanî, Serokê Yekîtiya Niştimanî ya Kurdistanê (YNK), roja 20ê Kanûna Pêşîn a 2025an gihîşte Bexdayê û beşdarî merasîma 23.emîn salvegera şehadeta Ayetullah Seyyid Mihemed Baqir El-Hekîm û Roja Şehîdên Îraqê bû, her wiha wî çend civînên girîng bi aliyên siyasî yên Îraqê re jî lidar xist.

Serok Bafil: Pabendbûna bi Destûrê re tekane çareserî ye

Di destpêka civînên Bafil Celal Talebanî, serokê Yekîtiya Niştimanî ya Kurdistanê (YNK), li Bexdayê digel Fayêq Zêdan, Serokê Civata Bilind ya Dadweriya Îraqê re dest pê kir û ragiahnd ku,pabendbûna bi destûrê re tekane riya çareserkirina pirsgirêkan û ber bi aramiya mezintir ya Îraqê ye.

Serok Bafil û Helbûsî: Divê hemû alî hevaheng bin

Di vê navberê de, Bafel Celal Talabanî, serokê Yekîtiya Niştimanî ya Kurdistanê (YNK), û Mihemed Helbûsî, Serokê Partiya Teqadum, li Bexdayê civiyan û tekezî li ser hevahengiya di navbera hemû aliyan de kirin da ku pêvajoya siyasî serkeftî bibe û hikûmetek bihêz ava bibe.

Serok Bafil nêrîna YNKê ji bo hikûmeta Îraqê ya bê şîrove kir û got: divê ew bikaribe pirsgirêkên xwe bi awayekî bingehîn çareser bike û pabend be bi parastina mafên destûrî yên welatiyên xwe.

Serok Bafil û Musena Samarayî: Divê gavên ji bo pêkanîna hikûmeta Îraqê bileztir bibin

Her di berdewamiya civînê de, Bafel Celal Talebanî, Serokê Yekîtîya Niştimanî ya Kurdistanê (YNK), li Bexdayê bi Musene Samarayî, Serokê Hevpeymanîya Ezim re civiya û tekezî li ser pêwîstiya lezandina gavên ji bo pêkanîna hikûmeta nû ya Îraqê hat kirin.
Serok Bafil got: Yekîtiya Niştîmanî ya Kurdistanê (YNK) bi nêrînek zelal hatiye danûstandinan ku armanca wê xizmetkirina welatiyan û çareserkirina pirsgirêkên girêbestî yên di navbera Herêma Kurdistanê û Îraqê de ye.

Serok Bafil û Malikî tekezî li ser pêkanîna hikûmeteke xizmetguzariyê dikin

Di heman demê de, Bafel Celal Talebanî, Serokê Yekîtiya Niştimanî ya Kurdistanê (YNK), li Bexdayê bi Nûrî Malikî, Serokê Hevpeymaniya Dewleta Yasa re civiya û her du aliyan behsa peywendiyên di navbera Herêma Kurdistanê û Îraqê de digel pêkanîna hikûmeta Îraqê ya bê kirin.

Her du alî hevra bûn li ser berdewamiya gotûbêjan ji bo pêkanîna hikûmetek e bi hêz û xizmetguzar li Îraqê.

Serok Bafil: Yekîtîya Niştîmanî li ser rêbaza Serok Mam Celal kar dike

Ji aliyê din ve Serokê Yekîtiya Niştimanî ya Kurdistanê (YNK) Bafil Celal Talebanî û Sekreterê Giştî yê Tevgera Ehlî Heq Qeys El-Xezelî li Bexdayê civiya û dawîn pêşhatên siyasî yên Îraqê gotûbêj kirin.

Serok Bafil got: YNKê li ser riya Serok Mam Celal kar dike daku hikûmetek xizmetguzariyê pêk bîne.

Serok Bafil û Amirî: Divê hikûmeta nû li hember gel berpirsiyar be

Bafil Celal Talebanî, Serokê Yekîtiya Niştimanî ya Kurdistanê (YNK), û Hadî Amirî, Serokê Hevpeymaniya Fetih, li Bexdayê civiyan û tekez li ser pêkanîna hikûmeteke nû ya Îraqê kirin.
Bafil Celal Talebanî û Hadî Amirî li hev kirin ku divê hikûmeta nû ya Îraqê bersiva xwestek û daxwazên welatiyan bide û berjewendiyên bilind biparêze.

Serok Bafil û Emar Hekîm: Divê mafên destûrî yên gel parastî bin

Di civîna xwe ya dawî de, Serokê Yekîtiya Niştimanî ya Kurdistanê (YNK) Bafil Celal Talebanî li Bexdayê digel Serokê Tevgera Hîkme Seyêd Emar Hekîm civiya û li ser hewldanên siyasî yên dawî yên ji bo pêkanîna hikûmeta nû ya Îraqê gotûbêj kirin.

Herdu alî li hev kirin ku divê pêvajoya pêkanîna hikûmetê bileztir bibe û berjewendiyên welatiyan li ser hemû nakokiyan werin danîn, daku mafên destûrî yên gel parastî bin.

Ev yek jî di demekê de ye ku, di hemû civînan de Nîzar Amêdî, Endamê Mekteba Siyasî ya YNKê, û Wezîrê Dadê yê Îraqê Dr. Xalid Şuwanî beşdar bûn.

PUKMEDIA