Serokkomar ji bo pêkanîna hikûmeta nû banga yekîtiyê dike

Malpera Serokkomariyê

Dîmenek ji merasîmê

Serokkomarê îraqê Dr. Ebduletîf Cemal Reşîd beşdarî merasîma bîranînê ya salvegera 23-an ya şehadeta Ayetulah Seyîd Mihemed Baqir El-Hekîm û Roja Şehîdên Îraqê bû, ku merasîm di bin çavdêriya ofîsa taybet ya Seyîd Emar El-Hekîm li Bexdayê de hate lidarxistin.

Serokkomarê Îraqê got: Em Roja Şehîdên Îraqê pîroz dikin, ji bo zindîkirina bîranîna qurbaniyên mezin yên ku kurên gelê me yê hêja ji hêzên ewlehiyê yên me di hemî şaxên artêş, polîs, Hêzên Heşdî Şe`ibî û Pêşmerge de kirine.

Her weha got: Em bi serbilindî salvegera êşdar ya şehadeta Ayetulah Seyîd Mihemed Baqir El-Hekîm, sembola mezin ya olî û neteweyî ya ku li dijî dîktatoriyê têkoşiya, bi bîr tînin.

Navbirî got: Berpirsiyariya neteweyî, rewiştî û perwerdeyî ji me dixwaze ku em her demê qurbaniyên şehîdan, zanyar û kesayetên mezin yên neteweyî bi bîr bînin û çîrokên qehremaniya wan ji nifşên pêşerojê re veguhezînin.

Serokkomar tekez kir ku  şehîdan ne tenê ji bo roja îro, ji bo pêşerojek e ku azadî, rûmet û dadperwerane lê serdest be, canê xwe dane.

Serokkomar destnîşan kir ku Îraq piştî salên tundûtûjî û terorîzmê, û berî wê, serdema zordariyê, qonaxên dijwar derbas kiriye, û em gihîştine rewşek ewlehî û aramiyê, û divê her kes ji bo parastina wê kar bike.

Her weha aşkere kir jî gelê me hilbijartinên parlemanî yên serkeftî bi dawî kirin, ku bi riya wan pabendbûna xwe bi prensîbên demokrasiyê nîşan da, di heman demê de qonaxên girîng ji bo pêkanîna desthilatdariyên Yasadanîn û Cî bi cîkirinê li ber her kesî ne.

Serokkomar di dawiyê de piştrast kir ku xurtkirina proseya demokrasiyê erek ya nîştimanî ye, ku ew bi riya pabendbûna bi demên destûrî tê bi destxistin,û em li vir daxwaza yekkirina hewldanana ji bo pêkanîna hikûmetekê ku nûnerayetiya hemû pêkhateyên Îraqê bike.

PUKMEDIA