Rêkarên hilbijartina serokkomar û pêkanîna hikûmetê dest pê dikin

PUKMEDIA

Avahiya Civata Nûneran ya Îraqê

Îro Yekşem rêlefta (14-12-2025) an Dadgeha Bilind a Federal encamên hilbijartinên Civata Nûneran ya Îraqê pesend kir bi vê rêkarên rûniştina parleman û pêkanîna hikûmetê dest pê bike, û di serî de divê Civata Nûneran di nav 15 rojan de civîna xwe ya yekem li dar bixe.
 

Divê Parlamen di nav 15 rojan de bicive

Piştî pesenkirina encaman, serokkomarê Îraqê dê li gorî madeya 54 ya destûra Îraqê ji Civata Nûneran daxwaz bike ku divê parlamen di nav 15 rojan de civîna xwe ya yekem li dar bixe û divê parlamenterê herî temenmezin serokatiya rûniştinê bike,her weha li gorî madeya 53, civînên parlamenê dê ji raya giştî re eşkere bin û dê bi riya medyayê werin weşandin.

Di civîna yekem de, serok û du cîgir tên hilbijartin

Her di civînê de li gorî xala 55an, Civata Nûneran bi piraniya mutleq serok û du cîgir hildibijêre û divê dengdan veşartî be.

Hevdem Li gorî madeya 61ê ya Destûra Bingehîn ya Îraqê, erkên Civata Nûneran ev in:

*Amadekirina proje yasa.

*Çavdêrîkirina desthilata cîbicîkar.

*Hilbijartina Serokkomar.

*Rêxistina pesendkirina Peymanname û Rêkeftinên Navdewletî.

*Razîbûn li ser danana serok û endamên Dadgeha Pêdaçûnê., serdozger, balyoz û pileyên taybet, û lêpirsîna li serokomar pesend û bexşînê,serokkomar bi hebûna du ji sêyan ji endamên parlemenê tê hilbijartin

Civata Nûneran ya Îraqê divê di nav 30 rojan de ji roja yekem ya rûniştina xwe serokkomarekî nû hilbijêre ku civîna hilbijartina serokkomar,divê du ji sêyan ji parlamenteran amade bin, wate ji 329 parlamenteran divê 220 parlementer amade bin, her weha li gorî madeya 70 ya destûra bingehîn ya Îraqê, divê Civata Nûneran bi piraniya du ji sêyan namzedê serokomariyê hilbijêre, eger yek ji namzedan di tûra yekem de piraniya dengan nestîne, namzedê ku di tûra duyem ya hilbijartinan de piraniya dengan werbigire dê wekî serokkomar were hilbijartin.

Mezintirîn fraksiyona parlemanî dê hikûmetê pêk tîn.

Di heman demê de, li gorî xala 76an a destûrê, serokkomarê nû dê di nav 15 rojan de mezintirîn fraksiyona parlemanî ji bo pêkanînan kabîneya nû destnîşan bike, her weha ji bo ku baweriya parlemenê werbigire, divê serokwezîrê tayînkirî di nav 30 rojan de navên wezîran û bernameyên hikûmetê pêşkêşî Civata Nûneran bike,ku eger serokwezîrê ku ji bo pêkanîna hikûmetê hatiye raspartin di nava dema diyarkirî de nikaribe kabîneya xwe ava bike,wê demê 15 roj dem ji serokkomar re tê dayîn ku kesekî din ji bo avakirina hikûmetê erkdar bike.

Ev yek jî di demekê de ye ku, Hilbijartinên Civata Nûneran ya Îraqê roja 11ê Mijdarê  bi rêve çû,piştre jî Komîsyona Bilind ya Serbixwe ya Hilbijartinan encamên dawî yên Hilbijartinan Gera Şeşemîn ya Civata Nûneran ya Îraqê ragihand û li gorî encaman, Yekîtiya Nîştimanî ya Kurdistanê dikarî hejmara dengên xwe di zêde bike û 18 kursiyên di parlemenê de ji box we misoger bike.

PUKMEDIA