Qubad Talebanî: Emê xemsariyê paşguh nekin

PUKMEDIA

Kongreya Rojnamevanê ya Qubad Talebanî li Çemçemalê

Qubad Talebanî Cîgirê Serokwezîrê Hikûmeta Herêma Kurdistanê  ragihand ku pêşîniya me ya sereke parastina jiyana welatiyan û dermankirina birîndaran e, wî tekez kir: Li ser lehiyên Çemçemalê komîteyek lêpirsînê hatiye avakirin û em ê xemsariyê paşguh nekin.

Cîgirê Serokwezîr Qubad Talebanî Cîgirê Serokwezîrê Herêma Kurdistanê, piştî serdana Çemçemalê û lêkolîna kêmasî û ziyanên ku ji ber lehiyên duh çêbûne, di kongeyeke rojnamevaniyê bal kişand ser lêkolîn û encamên bûyerê û ragihand ku, divê em rastgo bin, ev karesateke xwezayî ya ji nişka ve û neçaverêkirî bû, di 24 demjimêran de 127 mm baran barî, lê divê em xemsariyê ji nedîtî ve neynin, em niha lêkolînê dikin û ji bo dîtina sedema bûyerê û pêşîgirtina li bûyerên bi vî rengî, komîteyek din ava kiriye û bê guman, her kesê ku xemsar bûye dê were sizakirin.

Her weha aşkere kir ku şro roja ku em hemû Çemçemal in e, ez ji her kesî dixwazim ku alîkariya hev bikin, divê keşek e aram hebe,ji bo ku aliyên peywendîdar karên xwe bikin û em niha tiliya xwe nîşanî kesî nadin.

Derbarê qerebûkirina ziyanan jî Cîgirê Serokwezîr ragihand ku, niha alîkarî û pare ji bo ziyandîtiyan ji aliyê Yekîtiya Niştimanî ya Kurdistanê (YNK), xêrxwazan û rêxistinên ne hikûmî hatine komkirin, ji bo vê armancê, emê sindoqek alîkariyê dirust bikin ku kesên ku ziyan dîtine dê bi dadperwerî qerebû werbigirin.

Derbarê vegerandina xizmetguzariyên bingehîn de, Qubad Talebanî ragihand: Me ji bo Çemçemalê ava alternatîf û ji bo niştecihan ava paqij peyda kiriye heta ku ava Dûkan Silêmaniyê dîsa were bikaranîn, lê pêşîniya me parastina jiyanan, dermankirina birîndaran û vegerandina xizmetên bingehîn e, paşê dikandar û xwedan kar, paşê em tên cem saziyan.

Derbarê hebûna her kêmasiyekê ku bûye sedema dirustbûna lehiyê, Cîgirê Serokwezîrê Herêma Kurdistanê ragihand ku, bi riya komîteya lêkolînê em kêmasiyan jî destnîşan bikin, eger li Çemçemalê kêmasiyek hebe, ewê were çareserkirin û emê kêmasiya alavan jî ji bo sindoqa alîkariyê peyda bikin.

Her weha got:Ev bûyer ji bo komkirina hemû hêz û şiyanan xebateke hevbeş hewce dike dema ku hêz û bermayiyên hikûmet, kerta taybet û rêxistinên ne hikûmî werin seferberkirin, daku her yek bikaribe karê xwe bike, bê guman, hikûmet dê roleke mezin bilîze.

Cîgirê Serokwezîrê Herêmê di kongreya rojnamevaniyê got ku ewê kesên ku garantî bikim û kesên ku xemsar in siza bikim, û e ê kesên ku başî kirine jî xelat bikin.

Qubad Talebanî spasiya hemû hêzên ewlehiyê kir, di nav de Pêşmerge, Komando, hêzên ewlehiyê û polîs, ku bi mêrxasî alîkariya gelê xwe kirine.

Di dawiyê de jî, Cîgirê Serokwezîrên Herêma kurdistanê Qubad Talebanî derbarê temamkirina projeya ava Goptepe de got: Projeya Ava Goptepe, projeyek stratejîk e û dê fînansmana berdewam hebe daku kar bileztir bibe.

PUKMEDIA