NY:Sala 2025 an sala herî xwînavî ye li Ukraniya

UN

Ziyanên gihîştiye Nexweşxaneya Zarokan ya Okhmatdet li Kyivê

Neteweyên Yekbûyî di raportekê de li ser malpera xwe ya fermî hate weşandin, sala 2025an wekî yek ji sale n herî xwînî li Ukraniya ji destpêka dagirkirina Rûsya ve bi nav kir, û bal kişand ser zêdebûna êrîşên asmanî yên Rûsya û hejmara zêde ya qurbaniyên sivîl.

Komîsyona Mafên Mirovan diyar kir ku mirin û birîndarên belgekirî zêdetirî 14 hezar mirî, ku 755 ji wan zarok in, û zêdetirî 39 hezar birîndar, ku 2 hezar û 416 zarok in, li xwe digire, bi egerek e mezin ku hejmarên rastîn gelekî zêdetir bin.


Civata Asayîşa Neteweyên Yekbûyî roja Sêşemê civînek li dar xist daku rewşa Ukraniya gotûbêj bike, di demekê de ku hejmara qurbaniyên sivîl zêde dibin û êrîşên nû yên li ser jêrxana wuzeyê bi nêzîkbûna zivistanê re zêde dibin.

Cîgira Sekreterê Giştî yê Neteweyên Yekbûyî ji bo Karûbarên Siyasî û çalakiyên Aştiyê, Kayoko Goto, tekez kir ku êrîşên li ser sivîlan û jêrxanê nayên pesendkirin û binpêkirina yasaya navneteweyî ne, û berxwedana Ukrayniyan û biryardariya wan ya ji bo avakirina paşerojek aştiyane û demokratîk pesnê xwe da.

Cîgira Hemahengiya Alîkariya Mirovî Joyce Msuya hişyarî da ku bi mîlyonan Ukranî di nav mercên xirab de dijîn ji ber kêmbûna alîkarî û fînansmanê, û bang li civaka navneteweyî kir ku ji bo parastina sivîlan û gihîştina alîkariyên mirovî rêkarên pêwîst bigire ber.

Wê tekez kir ku berdewamiya şer û nebûna fînansmana pêîwst dikare êşa şêniyan zêde bike bi nêzîkbûna zivistanê re, û bi deh hezaran kes bê piştgiriya pêwîst ji bo jiyanê bihêle.

PUKMEDIA