Qubad Talebanî: Namzetê YNKê ji bo posta serokkomar dê hebe

PUKMEDIA

Qubad Talebanî, Cîgirê Serokwezîrê Herêma Kurdistanê

Qubad Talebanî Cîgirê Serokwezîr ragihand ku mûçeyên mehên 11ê Mijdarê û 12ê Kanûnê winda nabin û dibêje: Me niha namzetek ji bo serokkomariyê tune ye, lê dê hebe.

Qubad Talebanî Cîgirê Serokwezîr, di dema beşdarbûna xwe di civîna Investment a Silêmaniyê û IFC de, di hevpeyvînekê de bi medyayê re got: Civînên me li Bexdayê dostane bûn û derfetek bû ji bo fêmkirina nerînên li Bexdayê, û derfetek bû ji bo ku YNKê nerînên me pêşkêşî aliyên siyasî yên Îraqê bike, hevdem em jî baweriya xwe bi Îraqeke bihêz tînin, û Îraqeke bihêz dê bibe sedema Kurdistaneke bihêz, wekî YNKê, me peyama xwe ragihand ku emê bibin beşek ji danîna siyaseteke stratejîk li ser riya rast û çareserkirina pirsgirêkên herêma Bexdayê.

Her weha aşkere kir ku civînên me berdewam dikin û emê hefteya bê bicivin û pêvajoya danûstandinan ku beriya hilbijartinan pêngavên pir baş avêtine, ji nû ve bidin destpêkirin.

Qubad Talebanî aşkere kir ku çarenûsa mûçeyên heyvên 11 û 12 winda nabe, ev pêvajo berdewam dike û em kar dikin daku pêvajoya şandina mûçeyan ne sekine û radestkirina lîstên mûçeyan her heyv û hinardekirina petrolê berdewam bike, ji ber vê yekê bi gelemperî ez geşbîn im ku pêngav gelekî baş diçin.

Derbarê namzetê YNKê ji bo serokkomar jî got: Hêj namzetekî me ji bo posta serokkomariyê tune ye, lê namzetekî me dê hebe.

Îro Sêşem Dîdar Weberhênana Silêmaniyê û IFC bi beşdariya saziyên hikûmeta herêmî ya Silêmaniyê û weberhêneran civînek bi rêve çû ku ev çalakî ji aliyê Rêveberiya Giştî ya Weberhênanê ya Parêzgeha Silêmaniyê û IFC ya Banka Cîhanî ve hate sazkirin.

PUKMEDIA