Bêdengiya medyayên Hewlêrê nekarî bûyerê gundê Lacan ji cîhanê veşêre

PUKMEDIA

Logoya medyayê û bûyera li gundê Lacan

Êvara roja 29ê Mijdara 2025an, akinciyên gundê Lacan, di nav de jin û zarok jî hebûn, li ber palavgeha Lanazê kom bûn daku ciwanekî bi navê Şukur ku bi medyayê re axivîbû serbest berdin, lê wan bi guleyan bersiv dan, kesek hat kuştin û çend kesên din jî birîndar bûn û hejmareke mezin ji xwepêşanderan bi birîndarî hatin girtin, ev buyer her çend medyaya li Hewlêrê li ser bûyerê bêdeng ma jî, ev bûyer di medyaya navneteweyî de bû manşet.

Medyaya Îraqî

Kanala yekem ya Îraqî di nûçeyên xwe de ragihand ku hejmara qurbaniyên bûyera xwînî ya li gundê Lacan gihîştiye yek kuştî û 15 birîndaran.

Kenala Îraq24:Di derbarê hejmara qurbaniyên pevçûnên di navbera hêzên Pêşmerge û eşîra Harkî de gihîştiye yek kuştî û 16 birîndaran.

Kanaleke Sûmeriye

Sûmeriye TV ragihand ku roja Şemiyê li Hewlêrê di pevçûnên di navbera hêzên ewlehiyê û eşîra Herkî de xwepêşanderek hat kuştin û 12 kesên din jî birîndar bûn.
Her weha dibêje: Piştî pevçûnan, eşîra Herkî bang li welatiyan kir ku li dijî hêzên ewlehiyê derkevin û bi wan re rûbirû bibin.

Di heman demê de, ajansa nûçeyan a Baxdad El-Yewm ragihand ku xwepêşandan li Lanazê veguherî tundûtûjiyê, ajokarek hat kuştin û sê yên din birîndar bûn.

Her weha dibêje: "Tundûtûjî dest pê kir dema ku akinciyên herêmê daxwaza kar li pavgehê Lanaz dikirin, ku ew çend caran daxwaz dikirin.

Di heman demê de Kenala El Rabihe ragihand ku, hêzên ewlehiyê êvara Şemiyê êrîşî xwepêşanderan li palavgeha petrolê ya Lanazê li nêzîkî gundê Lacan li parêzgeha Hewlêrê kirin, di encamê de kesek hat kuştin û çend kesên din birîndar bûn, çendîn kesên din jî birîndar bûn.
Ew kenal dobêje: Roja Pêncşemê, gundiyan li ber kompaniyayê xwepêşandan kirin û daxwaza kar û bidawîanîna karmendkirina karkerên biyanî kirin.

El-Rabihe ragihand ku hêzên ewlehiyê êrîşî xwepêşanderan kirin û gule berdan, xwepêşanderek kuştin û sê yên din birîndar kirin.

Medyaya cîhanî

Reuters: Aajanasa Reuters  ji çavkaniyên ewlekarî û pizîşkî ragihand ku, Hêzên ewlehiyê yên Kurd di dema xwepêşandanekê de li derveyî palavgeha Lanazê li ser rêya Hewlêrê gule li herî kêm kesekî reşandin, çavkaniyên ewlehî û bijîşkî gotin ku kesek hat kuştin û sê kes jî birîndar bûn.

Her weha dibêje: Xwepêşanderan ji bo daxwaza kar di nav palavgehê de xwepêşandanek li dar xistin, lê hêzên ewlehiyê gule li wan reşandin û xwepêşanderek kuştin.

Rojnameya Şerq El-Ewset ragihand ku dema hêzên ewlehiyê yên Hikûmeta Herêma Kurdistanê gule li xwepêşandanekê li derveyî palavgeha petrolê ya Lanazê li bakurê Hewlêrê reşandin, herî kêm kesek hat kuştin û sê kes jî birîndar bûn.

Rojnameyê di raportekê de behsa alozî û xwepêşandanên li gundê Lacanê li ser sînorê Giwêr kir û ragihand ku, xwepêşanderan daxwaza kar li palavgehê kirin, lê di dema xwepêşandanan de, hêzên ewlehiyê gule li wan reşandin û şofêrê kamyonekê ku berhemên petrolê vediguhast kuştin ku ew li nêzîkî palavgehê cane xwe ji dest da.

Kanala televîzyonê ya El-Erebiya ya Erebistana Siûdî ragihand ku di xwepêşandanekê de li derveyî palavgeha petrolê ya Lanazê li ser rêya Hewlêrê, herî kêm kesek ji aliyê hêzên ewlehiyê yên Herêma Kurdistana Iraqê ve hatiye kuştin û sê kes jî birîndar bûne.

Her weha got: Xwepêşander li palavgehê kar dixwestin dema ku hêzên ewlehiyê gule li wan reşandin.

Li gorî raporta televîzyona El-Erebî, di şer û pevçûnên di navbera xwepêşander û hêzên ewlehiyê de li parêzgeha Hewlêrê kesek hat kuştin û zêdetirî 10 kesên din jî birîndar bûn.

Her weha dibêje: Peyamnêrê televîzyona El-Erebiye Xesan Xidir li Hewlêrê got ku hejmara qurbaniyan zêdetir e ji ber ku rayedar hejmara qurbaniyan belav nakin.

Tiştê ku bala medyayê kişand ev bû ku heta weşandina vê nûçeyê, Wezareta Tenduristiyê û rayedarên hikûmetê li ser bûyerê tu daxuyanî nedane.

Ev yek di demekê de ye ku, roja Şemiyê 29ê Mijdara 2025an li gundê Lacanê nêzîkî Giwêr li parêzgeha Hewlêrê di navbera xwepêşanderan û hêzên ewlehiyê de pevçûn derket, ku di encamê de hejmarek qurbanî çêbûn û piştre jî hêzeke mezin ya ewlehiyê ji bo herêmê hat şandin, her çend bûyer di medyaya navneteweyî û herêmî de bû manşet, lê medyaya Hewlêrê peyvek li ser bûyerê negot.

PUKMEDIA