Alîkariya hevpeymanan heya dawiya sala bê dê berdewam be

PUKMEDIA

Mûçeyên Hêzên Pêşmerge

Sekerterê Giştî yê Wezareta Pêşmerge ya Hikûmeta Herêma Kurdistanê ragihand ku Hêzên Hevpeymanan heta dawiya sala bê dê alîkariya Hêzên Pêşmerge berdewam bikn.

Bextiyar Mihemed Sekerterê Giştî yê Wezareta Pêşmergeyan ji PUKMEDIA re ragihand ku Hêzên Hevpeymanan heta dawiya sala 2026 an dê alîkariya Hêzên Pêşmerge bikin.

Her weha aşkere kir ku di navbera Pêşmerge û Wezareta Parastinê ya Amerîka de yadaştnameyek hatiye îmzekirin, ku li gorî wê hêzên hevpeymanan heta dawiya sala 2026 an dê alîkariya Hêzên Pêşmerge bikin.

Derbarê cûrê alîkariyan de, Sekerterê Giştî yê Wezareta Pêşmerge ragihand ku alîkariya hevpeymanan alîkariyên darayî, perwerde û xwarinê li xwe digire, û çêdibe ku cûrê alîkariyê bê guhertin, lê dê berdewam bike.

Derbarê kêmbûna birê alîkariyê; Sekreterê Giştî yê Wezareta Pêşmerge ragihand ku birê alîkariyê dê wekî xwe bimîne û nayê gihertin, lê ji ber ku lîwayên Pêşmerge bi berdewamî di bin wezaretê de ne, birê alîkariya ji bo Pêşmerge dê kêm bibe, ji ber ku birê alîkariyê sabît e lê hejmara Pêşmergeyan zêde bibe.

Ev yek di demekê de ye ku roja 7ê Tebaxa 2025an, alîkariya darayî ya hevpeymanan ya meha Tîrmehê li Wezareta Pêşmerge hat belavkirin ku zêdetirî 74 hezar sûdmendên lîwayên hevbeş yên hêzên Pêşmergeyan alîkarî wergirtin.

PUKMEDIA