Hinardekirina petrolê bi riya bendera Ceyhan dê dest pê bike

Medya

Bendera Ceyhanê

Çavkaniyek ji Wezareta Petrolê ya Îraqê ragihand ku danûstandinên ji bo ji nû ve destpêkirina hinardekirina petrolê bi riya Bendera Ceyhan ya Turkî gihîştine qonaxek baş, û di demek nêzîk de lihevkirinek dê çêbibe, hevdem Kompaniya (SOMO) jî amadebûna xwe ji bo ji nû ve destpêkirina hinardekirina petrolê nîşan da.

Çavkaniyek e ji Wezareta Petrolê ya Îraqê ji rojnameya Sebah re ragihandiye ku her çende danûstandinên ji bo ji nû ve destpêkirina hinardekirina petrolê bi riya Bendera Ceyhan ya Turkî bi tevahî ne hatine çareserkirin jî, lê ew ji qonaxeke gelekî baş derbaz bûye û tenê çend hûrgulî mane.

Her li gorî wê çavkaniyê, Kompaniya (SOMO) amadebûna xwe ya teknîkî û lojîstîkî ji bo ji nû ve destpêkirina hinardekirina petrolê di dema peymanê de nîşan daye, di heman demê de Wezareta Petrolê ya Îraqê ber bi rêkeftinek e erênî ve diçe û rêkeftina li ser hinardekirina petrolê di demek nêzîk dê de were temamkirin.

Ev yek jî di demekê de ye ku, duh Çarşem rêkefta (06-08-2025) an Cîgira Civata Wezîran ya Îraqê bo Karûbarên Wuzeyê û Wezîrê Petrolê Heyan Ebdulxenî li Kerkûkê ragihand ku, danûstandin û gotûbêjên bi Herêma Kurdistanê û Wezareta Çavkaniyên Siruştî re li ser wergirtin û hinardekirina petrolê bi riya Kompaniya (SOMO) berdewam in, û niha em li zeviyên petrolê kar dikin, di heman demê de rojane nêzîkî 130 hezar bermîl petrol tê hilberandin ku ji vê rêjeyê 50 hezar bermîl dê ji bo bazara navxweyî ya Herêma Kurdistanê be.

Her weha got: Me li hev kiriye ku rojane 80 hezar bermîlên petrolê ji Herêma Kurdistanê werbigirin, û bi riya bendera Ceyhan ya Turkî werin hinardekirin.

Her weha aşkere jî kir ku ew karên cidî dikin ji bo destpêkirina petrola Herêma Kurdistanê di zûtirîn dem de.

PUKMEDIA