Îro belavkirina mûçeyên heyva Gulanê bi dawî dibe

PUKMEDIA

Diravê Êraqî

Îro, 27ê Tîrmeha 2025an, çend wezaret û deste dê mûçeyên heyva Gulanê yên îsal dê werbigirin, û bi wê yekê belavkirina mûçeyan bi dawî bibe; û mûçexwer jî li benda mûçeyên heyva Hezîranê ne.

Li gorî bernameya ku ji aliyê Wezareta Darayî û Aboriyê ve hatiye belavkirin, îro Yekşem (Wezaretên Karûbarên Civakî, Çand û Ciwanan, Kareba, weqf, Xwendina Bilind),her weha her sê Serokatiyên (Pêşmerge/Dîwan/Lîwayan, Yekîneyên Hêzên 70 û 80, Polîsên Saziyên Petrolê, Civata Asayîşê û Dezgeha Asayîşê, Hêza Zêrevaniyê û Hêza Parastina Awarte) dê mûçeyên xwe yên heyva Gulanê ya îsal werbigirin.

Bi belavkirina mûçeyên van wezaret û dezgehan,îro Yekşem rêkefta (27-07-2025) an dawî li belavkirina mûçeyên heyva Gulanê li Herêma Kurdistanê tê; û mûçexwer li benda wergirtina mûçeyên heyva Hezîranê ne.

Di demek nêzîk de Bexda dê mûçeyên Heyva Hezîranê bişîne Herêma Kurdistanê

Hevdem beriya niha Sirwe Mihemed, Endama Civata Nûneran ya Êraqê ji Firaksiyona YNKê, ji PUKMEDIA re ragihandibû ku Wezareta Darayî ya Êraqê niha mijûlî hûrbîniyan di lîsteya mûçeyên heyva Hezîranê ya mûçexwerên Herêma Kurdistanê de ye.

Her weha got: Eger çi pirsgirêk rû nedin, hikûmeta Êraqê di demek nezîk de dê muçeyên heyva Hezîranê ji Herêma Kurdistanê re bişîne.

Wezareta Darayî û Aborî ya Hikûmeta Herêma Kurdistanê roja 25ê Tîrmeha 2025an de dest bi belavkirina mûçeyên heyva Gulanê kir û li gorî bernameyê îro 27 Tîrmeh ya sala 2025 an dawî li belavkirina mûçeyan tê.

Ev yek di demekê de ye ku, roja 24ê Tîrmeh ya sala  2025an de, Wezareta Darayî û Aborî ya Hikûmeta Herêma Kurdistanê ragihand:Kojmê (974,813,000,000) nehsed û heftê û çar milyar û heşt sed û sêzdeh milyon dînar wekî mafên mûçeyê yên heyva Gulanê li ser hejmara Bankê Wezareta Darayî û Aborî ya Herêma Kurdistanê li liqê Hewlêr ya Banka Navendî ya Êraqê hatibû razandin.

Her wiha roja 22ê Tîrmeh ya sala 2025an de, Wezareta Darayî ya Hikûmeta Herêma Kurdistanê kojmê (120,000,000,000) sed û bîst milyar dînar wek dahata ne-petrolê li beşê Xezîneya Federal li liqê Hewlêrê ya Banka Navendî ya Êraqê ya dahata ne-petrolê razandibû.

PUKMEDIA