Hûrgiliyên peymana di navbera Herêma Kurdistan û Êraqê de

PUKMEDIA

Herêma Kurdistan û Bexda

Civata Wezîran ya Êraqê naveroka peymana di navbera Herêma Kurdistanê û Êraqê de belav kir ku îro di civîna xwe ya ne asayî de pesend kir.

Nivîsgeha Ragihandina ya Civata Wezîrên Êraqê di daxuyaniyekê de got:Îro Civata Wezîrên Êraqê li ser hinardekirina petrolê û şandina mûçeyên mûçexwerên Herêma Kurdistanê çend biryar derxistiye.

Herêma Kurdistanê dê rojane 230 hezar bermîl radest bike.

Di daxuyaniyê de tê gotin:Hikûmeta Herêma Kurdistanê dê hemû petrola ku li Herêma Kurdistanê tê hilberandin, ji bo hinardekirinê tavilê radestî kompaniya bi bazirkirina Petrolê (SOMO) bike,li gorî yasaya sererastkirina budçeyê, Hikûmeta Herêma Kurdistanê dê ji bo her bermîlekî 16 Dolar bide, bi mercê ku birê wergirtî ji 230 hezar bermîlan di rojê de kêmtir nebe, û eger birê hilberînê zêde bibe, ew ê bi riya komîteyek hevbeş ya her du hikûmetan li birê heyî were zêdekirin, her weha eger ji ber her sedemekê hinardekirina petrolê raweste, tevahiya wê birê dê ji Wezareta Petrolê ya Federal re were vegerandin.

Hevdem girêdayî pêdiviyên navxwe yê birê petrol, Civata Wezîran got:Li gorî raportê, Herêma Kurdistanê niha rojane 280 hezar bermîl petrol hildiberîne, ji vê birê, 50 hezar bermîl dê ji bo xerckirina navxweyî were bikar anîn û 230 hezar bermîlên mayî dê radestî Êraqê werin kirin,her zêdebûnek jî dê di pêşerojê de radestî SOMO were kirin.

50 hezarbermîl xerckirina navxweyî yê herêmê ye

Her weha aşkere kir ku, Hikûmeta Herêma Kurdistanê dê lêçûna hilberîn û veguhestina 50 hezar bermîl petrol di rojekê de ji bo xerckirina navxweyî hilgire ser xwe, piştî kêmkirina lêçûnên hilberîn, veguhastin û palavtinê, pereyê mayî dê ji bo xezîneya federal bê vegerandin.

Girêdayî dahatên ne petrol ê yên herêmê jî Civata Wezîran ya Êraqê ragihand ku hikûmeta herêmê dê 120 milyar dînar ji dahata ne petrolê ya meha Gulanê radestî Wezareta Darayî ya Federal bike û tîmek ji Wezareta Darayî ya Federal û Dîwana Çavdêriya Darayî ya Federal, bi hemahengiya Wezareta Darayî û Dîwana Çavdêriya Darayî ya herêmê, ew ê dahatên ne petrolê dabeş bikin û kontrol bikin û para hikûmeta federal ji bo Gulana 2025 an diyar bikin, tîm dê di nav du hefteyan de raportekê pêşkêşî Civata Wezîran ya Federal bike bo biryardanê.

Di nav sê mehan biryar li ser bankkirina mûçeyan dê bê dayîn

Derbarê bi bankkirina mûçeyên fermanberên herêmê di daxuyaniyê de hatiye: Ji bo bankkirina mûçeyên fermabnerên Herêma Kurdistanê, komîteyek hevbeş dê di navbera hikûmeta federal û Hikûmeta Herêma Kurdistanê de were avakirin,di daxuyaniyê de tê gotin: Komîteyek hevbeş dê di nav sê heyvan de dê karê xwe temam bike, û piştî wê mûçe dê bi lez û bez werin şandin.

Her li gorî rêkeftina di navbera Hikûmeta Herêma Kurdistanê û Hikûmeta Êraqê de tîmek ji Wezareta Darayî ya Êraqê û Dîwana Çavdêriya Darayî ya Federal, bi hemahengiya Wezareta Darayî û Dîwana Çavdêriya Darayî ya Herêma Kurdistanê dê birê xerciyên rastîn yên zêde diyar bike,û tîm dê di nav du hefteyan de raportekê pêşkêşî Civata Wezîrên Êraqê bike.

Êraq dê mûçeya meha Gulanê bişîne

Di dawiyê de aşkere kiriye ku,Wezareta Darayî ya Êraqê dê mûçeya heyva Gulanê ya fermaberên Herêma Kurdistanê wekî xalek e destpêkê ji bo bicîhanîna peymanê bişîne, û piştre SOMO dê rojane 230 hezar bermîlên petrolê ji bendera cîhanê bişîne ku ew dişîne.

PUKMEDIA