Taybet bo PUKMEDIA,hikûmeta Êraqê biryara dayîna mûçeyan da

Wah

Rûniştina Civata Wezîrên Federal

Civata Wezîran ya Êraqê di civîna xwe ya ne asayî de peymaneke nû bi Hikûmeta Herêma Kurdistanê  re ji bo şandina mûçeyan pesend kir û biryara şandina mûçeyên Herêma Kurdistanê da.

Civata Wezîrên Êraqê di civîna xwe ya ne asayî  ya îro Pêncşem rêkefta (17-07-2025) an de  peymanek e nû di navbera Herêma Kurdistanê û Bexdayê de ji bo dayîna mûçeyên meha Gulanê pesend kir,û çavkaniyek taybet bo PUKMEDIA rahihand ku, Hikûmeta Êraqê biryar da ku mûçeyên meha Gulanê yên fermanber û xanenişînên Herêma Kurdistanê xerc bike.

Piştî hewldanên berdewam yên Serokê Yekîtiya Nîştimaniya Kurdistanê (YNK) Bafil Celal Talebanî û hevdîtinên wî yên di rojên dawî de bi Serokwezîrê Êraqê Mihemed Şeyah Sûdanî û Serokê Civata Bilind ya Dadweriyê Fayêq Zêdan re li ser mijara mûçeyan, Civata Wezîran ya Êraqê bi Hikûmeta Herêma Kurdistanê re civiya daku mijara navbera Hikûmeta Herêma Kurdistanê û Hikûmeta Êraqê gotûbêj bike, îro Pêncşem dubare Serokê YNKê vegeriya Bexdayê ji bo temamkirina rêkarên peymana di navbera Herêm û Bexdayê de û îro cara dawîn Civata Wezîran ya Êraqê di civîna xwe ya ne asayî de peymana nû digel herêmê îmze kir û biryar da ku mûçeyên heyva Gulanê yên fermanberên Herêma Kurdistanê xerc bike.

PUKMEDIA