Hikûmeta Êraqê bo gotûbêjkirina reşnivîsan komîteyekê ava dike

Ragihandina Serok Wezîrên Êraqê

Civîna Civata Wezîran ya Êraqê

Hikûmeta Êraqê ragihand ku di çarçoveya pabendbûn bi cî bi cîkirina Yasaya Budceya Giştî û biryarên Dadgeha Federalî, komîteyek e bilind bi serokatiya Wezîrê Pîlansaziyê ji bo gotûbêjkirina mijara dahat û mûçeyên Herêma Kurdistanê hatiye avakirin.

Nivîsgeha Ragihandina Serok Wezîrên Êraqê di daxuyaniyekê de got: Civata Wezîran li ser du reşnivîsan gotûbêj kir; ku yek ji aliyê hikûmeta federal ve û ya din jî ji aliyê Hikûmeta Herêma Kurdistanê ve hatine pêşkêşkirin,ji bo radestkirina dahatên petrol û yên ne petrol yên herêmê û pirsa mûçeyên fermaberan û bi bankkirina mûçeyan mûçexwran.

Her weha aşkere kir ku Serok Wezîr Mihemed Şeyaha Sûdanî biryar da ku komîteyekê bi serokatiya Cîgirê Serok Wezîran û Wezîrê Pîlansaziyê, û Endamtiya (Wezîrên Ji nû ve Avakirin û Akincîkirinê, Xwendina bilind, Dad û Tenduristiyê) ava bike, daku digel aliyên peywendîdar yên Herêma Kurdistanê û Êraqê reşnivîsan gotûbêj bikin.

Li gorî daxuyaniyê, komîte piştre dê pêşniyarên xwe pêşkêşî Civata Wezîran bike, daku biryarên pêwîst di zûtirîn dem de werin girtin.

PUKMEDIA