Dr. Yûsif Goran: Beşdariya Kurd di serjimêriyê de xebatek sivîl e

Dr. Yûsif Goran

Dr. Yûsif Goran; Endamê Mekteba Siyasî û Berpirsê Melbenda Lêkolînên Giştî ya Yekîtiya Nîştimaniya Kurdistan`ê (YNK) ragihand ku serjimêriya sala 2024 an ya Êraq`ê dê di pênc xalan de were encamdan bi taybetî ji bo Kerkûk û deverên veqetandî yên derveyî Herêma Kurdistan`ê û ragihand ku; pêkhateyên Kurd û Turkmenan di rewşeke hestiyar de ye, lewra divê hemû Kurdên resen yên Kerkûk`ê ji bo serjimêriyê vegerin Kerkûk û deverên veqetandî yên din, daku hevsengiya demografî li van deveran zêdetir têk neçe; û hewlên cidî jî di pêşerojê de ji bo çareserkirina pirsgirêkên deverên veqetandî bên dayîn.

Dr.Yûsif Goran; Endamê Mekteba Siyasî û Berpirsê Melbenda Lêkolînên Giştî ya Yekîtiya Nîştimaniya Kurdistan`ê (YNK) di gotarekê de ku di beşê (Bîr û Ra) ya PUKMEDIA de hatiye belavkirin têde daxwazê ji hemû Kurdên Kerkûk û deverên veqetandî yên din dike ku beşdarî serjimêriyê bibin ku wê beşdariyê bi xebat bi nav dike û dibeje: Xebata vê carê xebatek sivîl û civakî ye, ji bo aramkirina wijdanê me yê dîrokî li hember şehîdên me, goristan û bîranînên bav û kalên me û çêdibe ku serjimêriya îsal ya piştî sala 1957 an; bibe serjimêriya herî girîng di dîroka Êraq û Herêma Kurdistan`ê de.

Piraniya Êraqî û dezgehên Êraqî serjimêriya sala 1957an bi ya herî rast dizanin; ku ew dê bibe bingehê serjimêriya sala 2024an, ku wê demê hijmara akinciyên Êraq`ê 6 Milyon û 536 Hezar û 109 kes bûn, her çend e li gorî amarên Wezareta Plandanîna Êraq`ê, hejmara akinciyên Êraq`ê sala 2023 an gihîştibû zêdetir ji 43 Milyon kesan.

PUKEMDIA