دوو پارێزگار ده‌ستیان له‌كاركێشایه‌وه‌

.

ئه‌مڕۆ هه‌ینی هه‌ریه‌ك له‌ پارێزگاری موسه‌ناو  دیوانیه‌ ده‌ست له‌كاركێشانه‌وه‌ی خۆیان راده‌ستی لایه‌نی په‌یوه‌ندیدار كردوه‌. 

به‌پێی هه‌واڵێكی سۆمه‌ریه‌ نیوز ، هه‌ریه‌ك له‌ ئیبراهیم مه‌یالی پارێزگاری موسه‌نا و عه‌مار مه‌دنی پارێزگاری دیوانیه‌ نامه‌ی ده‌ست له‌كاركێشانه‌وه‌ی خۆیان راده‌ستی لایه‌نی په‌یوه‌ندیدار كردوه‌. 

رونیشكراوه‌ته‌وه‌: ئیبرهیم مه‌یالی نامه‌ی ده‌ست له‌كاركێشانه‌وه‌ی خۆی راده‌ستی جێگری سه‌رۆكی ئه‌نجومه‌نی پارێزگای موسه‌ناكردوه‌، هاوكات عه‌مار مه‌دنی له‌پێناو ئه‌نجامدانی چاكسازی نامه‌ی ده‌ستله‌كاركێشانه‌وه‌ی خۆی ئاڕاسته‌ی حه‌یده‌ر عه‌بادی سه‌رۆك وه‌زیرانی عیراق كردوه‌. 

به‌پێی زانیاری زۆریك له‌ سه‌رچاوه‌ هه‌واڵیه‌كان مه‌به‌ست له‌و كاره‌ی ئه‌و دوو پارێزگایه‌ پشتیوانیكردنی هه‌نگاوه‌كانی حه‌یده‌ر عه‌بادیه‌ له‌ به‌رنامه‌ چاكسازیه‌كه‌یدا. 

PUKmedia  له‌ئاژانسه‌كانه‌وه‌