خۆت له‌ لاوازبونی به‌رگری جه‌سته‌ بپارێزه‌

ئه‌گه‌ری توشبوون به‌ نه‌خۆشی زیاد ده‌كات

كاتێك به‌رگری جه‌سته‌ی مرۆڤ لاواز ده‌بێت، ئه‌گه‌ری توشبوون به‌ نه‌خۆشی زیاد ده‌كات، بۆ ئه‌وه‌ش باشتر وایه‌ له‌م هه‌ڵانه‌ دووربكه‌ونه‌وه‌.

1- دانیشتن بۆماوه‌یه‌كی زۆر به‌تایبه‌تی له‌كاتی كاركردندا، چونكه‌ دانیشتن بۆماوه‌یه‌كی زۆر ده‌بێته‌ هۆی كه‌مبونه‌وه‌ی سوتانی چه‌وری زیادده‌ی جه‌سته‌ و ئه‌مه‌ش كاریگه‌ری خراپی له‌سه‌ر ته‌ندروستی مرۆڤ ده‌بێت.

2- به‌رده‌وام خواردنی ژه‌مه‌ خێراكان و بسكیت وشیرینی و خۆراكه‌ به‌ستوه‌كان.

3- له‌كاتی خه‌وتندا جه‌سته‌ بڕی پێویست پێكهاته‌ی میلاتۆنین دروست ده‌كات و به‌مه‌ش خرۆكه‌ سپیه‌كانی خوێن له‌جه‌سته‌دا چالاك ده‌بن، نه‌خه‌وتن به‌بڕی پێویست ده‌بێته‌ هۆی لاوازبونی كۆئه‌ندامی به‌رگری جه‌سته‌ی مرۆڤ.

4- نائارامی ده‌رونی به‌شێوه‌یه‌كی به‌رده‌وام ده‌بێته‌ هۆی تێكچونی ده‌ردانی ڕێژه‌ی هۆرمۆنه‌كانی جه‌سته‌ی مرۆڤ ، به‌مه‌ش به‌رگری جه‌سته‌ لاواز ده‌بێت .

PUKmedia له‌ ئاژانسه‌ ته‌ندروستییه‌كانه‌وه‌