لیژنه‌ی یاسایی چه‌ند رۆژێك ده‌دات به‌ پێنج لایه‌نه‌كه‌

لیژنه‌كه‌ له‌چاوه‌ڕوانی لایه‌نه‌كاندایه‌

لیژنه‌ی یاسایی له‌ په‌رله‌مانی كوردستان له‌ باره‌ی هه‌مواكردنه‌وه‌ی یاسای سه‌رۆكایه‌تی هه‌رێمه‌وه‌ چاوه‌ڕوانی لایه‌نه‌ سیاسییه‌كان ده‌كات و چه‌ند رۆژێكی دیكه‌ ده‌داته‌وه‌ به‌ لایه‌نه‌كان.

 گۆران ئازاد بڕیارده‌ری لیژنه‌ی یاسایی له‌ په‌رله‌مانی كوردستان به‌ PUKmedia ی راگه‌یاند: له‌گه‌ڵ ئه‌وه‌ی كه‌ پڕۆژه‌ی هه‌مواكردنه‌وه‌ی یاسای سه‌رۆكایه‌تی هه‌رێم له‌ لایه‌ن لیژنه‌ی یاسایی په‌رله‌مانی كوردستانه‌وه‌ ئاماده‌كراوه‌، به‌ڵام لیژنه‌كه‌مان له‌چاوه‌ڕوانی لایه‌نه‌كاندایه‌ بۆ ئه‌وه‌ی بگه‌نه‌ ئه‌نجامێك.

 وتیشی: به‌ گه‌یشتن و نه‌گه‌یشتنی لایه‌نه‌كان به‌ ئه‌نجامێك پرسی سه‌رۆكایه‌تی هه‌رێم دێته‌وه‌ په‌رله‌مان و ئه‌وسا لایه‌نه‌كان ئازادن چۆن بڕیار ده‌ده‌ن.

  گۆران ئازاد راشیگه‌یاند: مه‌به‌ست له‌ پێشكه‌ش نه‌كردنی پرۆژه‌ی سه‌رۆكایه‌تی هه‌رێم له‌ لایه‌ن لیژنه‌ی یاسایی په‌رله‌مانه‌وه‌ به‌ سه‌رۆكایه‌تی په‌له‌مان خۆی له‌ئه‌وه‌دا ده‌بینێته‌وه‌ كه‌ لایه‌نه‌كان بگه‌نه‌ رێككه‌وتنێك ئه‌گه‌ر نا، پرسه‌كه‌ دووباره‌ دێته‌وه‌ په‌رله‌مان و ئه‌وسا لایه‌نه‌كان ئازادن هه‌ر هه‌ڵوێستێكیان ده‌بێت له‌سه‌ر ئه‌و پرسه‌.

PUKmedia دیار ستار