ویستی خێزانه‌كه‌ی به‌زیندویی بخاته‌ ناو فڕن

ویستی خێزانه‌كه‌ی به‌زیندویی بخاته‌ ناو فڕن

پۆلیسی شاری یۆتاه‌ له‌ ویلایه‌ته‌ یه‌كگرتووه‌كانی ئه‌مریكا پیاوێكیان ده‌ستگیركرد به‌ناوی ئه‌نتۆنی كه‌ نیازی وابوو خێزانه‌كه‌ی خۆی به‌زیندویی بخاته‌ ناو فڕنه‌وه‌، پۆلیسی ئه‌وشاره‌ ئه‌وه‌ی راگه‌یاند كه‌ ئه‌نتۆنی پێش ئه‌وه‌ی ئه‌م كاره‌ بكات بیبه‌رو به‌هاراتی به‌سه‌ر خێزانه‌كه‌یدا كردبوو.

له‌ به‌یانیه‌كه‌ی پۆلیس ئه‌وه‌ هاتووه‌ كه‌  ئه‌نتۆنی ته‌مه‌ن 31 ساڵ له‌ شاری ساندی له‌ ویلایه‌تی یۆتاه‌ ده‌ژی، له‌ خێزانه‌كه‌ی تووڕه‌ بووه‌ به‌هۆی ئه‌وه‌ی كه‌ له‌كاتی ئیشكردندا سه‌ردانی نه‌كردووه‌، وه‌ به‌شێوه‌یه‌كی زۆر دڕندانه‌ مامه‌ڵه‌ی له‌گه‌ڵدا كردووه‌و زۆربه‌ی كات لێیداوه‌، وه‌ هه‌روه‌ها چه‌ندینجار به‌ چه‌قۆ هێرشی كردووه‌ته‌سه‌ر.

له‌ نوێترین ده‌ستدرێژییه‌كان، ئه‌نتۆنی هه‌وڵیداوه‌ كه‌ خێزانه‌كه‌ی بخاته‌ نێو فڕنه‌وه‌ دوای ئه‌وه‌ی بیبه‌ر به‌هاراتی به‌سه‌ر لاشه‌یدا ده‌كات، وه‌ توانیبووی كه‌ پێیه‌كانی بخاته‌ ناو فڕنه‌كه‌ به‌ڵام به‌پێی سه‌رچاوه‌ی هه‌واڵی میتڕۆی به‌ریتانی تائێستا نازانرێت ئاخۆ له‌وكاته‌دا فڕنه‌كه‌ گه‌رم بووه‌ یان نا.

له‌كاتی ده‌مه‌قاڵێ و شه‌ڕدا، ئافره‌ته‌كه‌ توانیبووی له‌ ده‌ستی ئه‌ نتۆنی رابكات و به‌زوویی په‌یوه‌ندی به‌ پۆلیسه‌وه‌ بكات، وه‌ پۆلیس ده‌مه‌وكات گه‌یشتنه‌ شوێنی مه‌به‌ست و ئه‌نتۆنی-یان ده‌ستگیر كرد.

له‌ كاتی ئیفاده‌دان به‌رامبه‌ر به‌پۆلیس ئافره‌ته‌كه‌ رایگه‌ یاند كه‌ ئه‌نتۆنی په‌لاماری سه‌گه‌كه‌ی ئه‌ویشیداوه‌ له‌ ئانی رووبه‌ڕووبوونه‌وه‌یاندا، پۆلیسی لێكۆڵه‌ر رایگه‌یاند كه‌ شوێنی لێدان و ئه‌ شكه‌نجه‌ له‌ لاشه‌ی ئافره‌ته‌كه‌ ده‌ركه‌وتووه‌، له‌ كۆتاییدا پۆلیس تۆمه‌تی زۆری رووبه‌ڕووی ئه‌نتۆنی كرده‌وه‌ به‌ نموونه‌ی رفاندن و لێدان و هێرشكردنه‌ سه‌ر ئاژه‌ڵ، چاوه‌ڕوانده‌كرێت له‌ كاتی ساخبوونه‌وه‌ی تاوانه‌كان له‌سه‌ری ئه‌وا ئه‌نتۆنی بۆ ماوه‌ی چه‌ ند ساڵێك به‌ند ده‌كرێت.

 PUKmedia و/ هونه‌ر باتاسی
سه‌ رچاوه‌:  JBC news