سێ سه‌ركرده‌ی باڵای داعش و ژماره‌یه‌ك تیرۆرست كوژران

له‌ بۆردومانی فڕۆكه‌ جه‌نگییه‌كانی هاوپه‌یماناندا كوژراون

له‌ بۆردومانی شه‌وی رابردوو 28-6-2015ی فڕۆكه‌ جه‌نگییه‌كانی هاوپه‌یماناندا له‌ سنوری گه‌یاره‌ 38 تیرۆرست كوژران كه‌ له‌ ناویاندا سێ سه‌ركرده‌ی باڵا هه‌ن.

ره‌شاد گه‌ڵاڵی به‌رپرسی كۆمیته‌ی مه‌خموری یه‌كێتیی نیشتمانیی كوردستان به‌ PUKmedia ی راگه‌یاند: سه‌عا 12:15 ده‌قیقه‌ی شه‌وی رابردوو فڕۆكه‌ جه‌نگیه‌كانی هاوپه‌یمانان له‌ گوندی زاویه‌ی سه‌ربه‌ ناحیه‌ی گه‌یاره‌ بۆردومانی مۆڵگه‌كانی داعشیان كرد.

وتیشی: له‌و بۆردومانانه‌دا 38 تیرۆرست كوژران و 15 تیرۆرستی تریش برینداربوون، له‌ناو كوژراوه‌كانیشدا سێ سه‌ركرده‌ی باڵای داعش كوژران.

PUKmedia هۆزان فاتیح