له‌ یاسای پاسپۆڕتدا به‌رژه‌وه‌ندی هاووڵاتیانی هه‌رێم له‌به‌رچاو ده‌گیرێت

نوێنه‌رانی كورد فشاره‌كانیان بۆ په‌سه‌ندكردنی یاساكه‌ چڕده‌كه‌نه‌وه‌

نوێنه‌رانی كورد فشاره‌كانیان بۆ په‌سه‌ندكردنی یاسای پاسپۆڕت چڕده‌كه‌نه‌وه‌ كه‌ بڕگه‌یه‌كی له‌به‌رژه‌وه‌ندی هاووڵاتیانی هه‌رێم تێدا جێگیركراوه‌.

د.به‌ختیار شاوه‌یس ئه‌ندامی ئه‌نجومه‌نی نوێنه‌رانی عیراق به‌ PUKmedia ی راگه‌یاند: له‌ كۆبوونه‌وه‌كانی رابردوودا یاسای پاسپۆڕت خوێندنه‌وه‌ی بۆكراو له‌ مادده‌ 12ی یاساكه‌دا بڕگه‌یه‌ك له‌به‌رژه‌وه‌ندی هاووڵاتیانی عیراق به‌گشتی و پارێزگاكانی هه‌رێم به‌تایبه‌تی جێگیركرا.

وتیشی: له‌و بڕگه‌یه‌دا ئاماژه‌ بۆئه‌وه‌كراوه‌ كه‌ هاووڵاتیان هه‌ر گرفتێك له‌ پاسپۆڕته‌كه‌یاندا دروستبوو ده‌توانن له‌ پارێزگاكه‌ی خۆیاندا چاره‌سه‌ری بكه‌ن به‌بێ ئه‌وه‌ی بگه‌ڕێنه‌وه‌ بۆ ناوه‌ند.

راشیگه‌یاند كه‌ له‌ دانیشنه‌كانی داهاتوودا یاساكه‌ بۆ په‌سه‌ندكردن ده‌خرێته‌ ده‌نگدانه‌وه‌و جه‌ختیشیكرده‌وه‌ كه‌ وه‌ك په‌رله‌مانتارانی كورد فشار بۆ په‌سه‌ندكردنی یاساكه‌ ده‌كه‌ن.

PUKmedia هۆزان فاتیح