مهلا بهختیار: پێویسته رێكخراوهكان بهشێكی دانهبڕاوی پرۆسه دیموكراسی بن
ی.ن.ک 03:13 PM - 2015-05-24پیرۆزبایی سهركهوتنی كۆنگرهكهی لێكردن
ههڤاڵ مهلا بهختیار، پیرۆزبایی لهستافی نوێی كارگێڕی، یهكێتی كهمئهندامانی كوردستان دهكات و جهختیشدهكاتهوه كه "دهستكهوته بهدیهاتووهكان، بكهنه پاڵنهر لهپێناو بهدیهێنانی زۆرترینی ئامانجهكانتاندا".
سهرلهبهیانی ئهمڕۆ (24/5/2015) ههڤاڵ لێپرسراوی دهستهی كارگێڕی، لهبارهگای مهكتهبی سیاسی پێشوازی لهستافی نوێی كارگێڕی یهكێتی كهمئهندامانی كوردستان كردو پیرۆزبایی سهركهوتنی كۆنگرهكهی لێكردن و هیواشیخواست كه "رێكخراوهكه ههمیشه بهزیندوێتی بمێنێتهوهو پێداگیربێ لهسهر مافه پیشهیی، كۆمهڵایهتییهكان، رووناكبیری و دیموكراسییهكانی كهمئهندامان" و جهختیشیكردهوه كه "پێویسته رێكخراوهكه، بهشێكی دانهبڕاو و تهواوكاری ئهو پرۆسه دیموكراسییه بێ، كه لهكوردستاندا ههیهو بهشێكی تهواوكاری ئهو ههسته مرۆییهبن كه لهناو سیستمی كۆمهڵایهتی و مهدهنیدا، پێویسته كهمئهندامان شوێنیان ههبێ و مافهكانیشیان بهرجهستكراوبێ و سهرهنجامیش بتوانن تواناكانی خۆیان بۆ خزمهتكردنی زیاتر بخهنهكار".
بۆ سهرۆك و ستافی نوێی كارگێڕی رێكخراوهكهش، رونیكردهوه: ئێستا ئێوه سهری جهستهی رێكخراوهكهتانن، بۆیه دهبێ سهرێكی عاقڵ، ژیر، بڕیاردهر، بهرپرسیارێتی ههڵبگرن و چاوێكی دووربینی باشتان ههبێ، كه بههۆیه رووداو و پێشهاتهكان لهخهباتی رێكخراوهیدا به باشی ببینن، تا بهچاك بڵێن چاك و بهخراپیش بڵێن خراپ.
لهكۆتایی وتهكانیشدا لهبهرامبهر چهند داواكارییهكیاندا بۆ كهمئهندامان، ههڤاڵ مهلا بهختیار، بهڵێنی هاوكاری پێدان و راشیگهیاند: لهخزمهتكردنی ئهندامهكانتان بهردهوام بن و بهندهش وهك ههمیشه پشتیوان و هاوكارتان دهبم و تهئكیدیشی كردهوه، ههروهك چۆن لهكۆنگرهكهتاندا ئاماژهم بۆ كردن، ئێستاش تهئكید دهكهمهوه، كه "داخوازییه پیشهییهكانتان لهچوارچێوهی كوردستان ببهنه دهرهوه" و راشیگهیاندهوه "دهستكهوته بهدیهاتووهكان، بكهنه پاڵنهر لهپێناو بهدیهێنانی زۆرترینی ئامانجهكانتاندا".
لهلایهن خۆشیانهوه، سهرۆك و ستافی نوێی كارگێڕی رێكخراوهكه، سوپاسی ههڤاڵ لێپرسراوی دهستهی كارگێڕیان كرد، كه لهكۆنگرهكهیاندا ئامادهبووهو لهوتهیهكیشدا چهندین پێشنیازو راسپاردهی بۆ خستونهتهڕوو، كه ئهوانیش وهك راسپاردهی كۆنگره، لهچوارچێوهی كارو پرۆژهی نوێی رێكخراوهكهدا دهنگیان بۆ داوه.
ئاماژهیان بۆ ئهوهشكرد، كه "وهك رێكخراوی كهمئهندامانی كوردستان، بهرێزهوه لهههوڵ و پشتیوانی ههمیشهییتان بۆ رێكخراوهكان بهگشتی و یهكێتییهكهمان بهتایبهتی و هاوكارییهكانتان بۆ كهمئهندامان دهڕوانین و لهدڵهوه سوپاستان دهكهین، چونكه ههمیشه باوهڕمان وابووه كه غهمخۆرو پشتیوانێكمان لهناو یهكێتیی نیشتمانیی كوردستاندا ههیه و هیچكاتێكیش، بۆ هیچ داواو پێویستییهك دهستت نهناوه بهڕوومانهوه".
PUKmedia راگهیاندنی لێپرسراوی دهستهی كارگێڕی
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25