كۆبانێ له‌ رانیه‌یه‌

شانۆیی (فریشته‌كانی ئه‌وێ) له‌ رانیه‌ نمایش كرا

له‌ ژێر دروشمی ئه‌وان كۆبانێ به‌شه‌ڕ وێران بكه‌ن، ئێمه‌ ئاوادانی ده‌كه‌ینه‌وه‌ به‌ هونه‌ر
به‌ ئاماده‌بوونی به‌رپرسانی حكومی حزبی ناو چه‌كه‌ و سه‌رپه‌رشتیارانی په‌روه‌رده‌و به‌ڕێوه‌به‌ر و مامۆستایان و خوێندكارانی خوێندگای ئاماده‌یی( كۆبانێ ) له‌ شاری رانیه‌،

 سه‌عات 2 ی دوانیوه‌ڕۆ ئه‌مڕۆ له‌ هۆڵی 5 ی ئازاری ناوه‌ندی رێكخراوه‌دیموكراتیه‌كانی راپه‌رین به‌ به‌شداری ژماره‌یه‌ك له‌ كچان و كوڕانی خوێندنگای ( كۆبانێ ) و له‌ رۆژی ئاڵادا دوای به‌رزكردنه‌وه‌ی ئاڵای پیرۆزی كوردستان شانۆیی( فریشته‌كانی ئه‌وێ ) له‌ نوسینی ( م.ئاكام ره‌زاق ) و ئاماده‌كردن و ده‌رهێنانی ( سابیر قادر ) نمایشكرا.

سه‌باره‌ت به‌و كاره‌ هونه‌ریه‌ سابیر قادر ده‌هێنه‌ری شانۆكه‌ بۆ PUKmedia  دوا وتی: به‌ به‌شداری 20 خوێندكاری كچ و كوڕی له‌ ئاماده‌یی كۆبانێی تێكه‌ڵاو شانۆیی ( فریشته‌كانی ئه‌وێ )مان نمایش كرد، كه‌ ماوه‌كه‌ی 30 خوله‌ك بوو، نمایشه‌كه‌ باس له‌ كچ و كوڕێك ده‌كات كه‌ خۆشه‌ویستی یه‌كترین و خه‌ڵكی باشورن و دوای ئه‌وه‌ی كوڕه‌كه‌ بڕیار ده‌دات بۆ به‌رگری كردن بچێت بۆ كۆبانی بۆ شه‌ڕ له‌گه‌ل شه‌ڕڤانانی یه‌په‌كه‌ و دژ به‌گروپی تیرۆریستی داعش بۆیه‌ كچه‌كه‌ش بڕیار ده‌دات له‌گه‌ڵ خۆشه‌ویسته‌كه‌ی بچن بۆ كۆبانێ و دوای چوونیان له‌ شه‌ڕێك هه‌ردووكیان شه‌هید ده‌بن و خۆشه‌ویستیه‌كه‌یان له‌ رێگه‌یه‌كی پاكدا كۆتایی دێت و كۆتایی نمایشه‌كه‌ش به‌سه‌ركه‌وتنی پێشمه‌رگه‌ و شه‌ڕڤانان به‌ سردووی ئه‌ی ره‌قیب نمایشه‌كه‌ كۆتایی هات.

وتیشی: جێگای خۆشحاڵیمانه‌ ژماره‌یه‌كی به‌رچاو له‌ خوێندكاران و گه‌نجان بینه‌ری شانۆیه‌كه‌مان بوون كاره‌كه‌شمان بووه‌ جێگای ره‌زامه‌ندی ئاماده‌بوانی هۆڵه‌كه‌ و ده‌ستخۆشیان لێكردن و سوپاس بۆ ئه‌و كه‌س و لایه‌نانه‌ی كه‌ هاوكارمان بوون بۆ به‌ ئه‌نجام گه‌یاندنی ئه‌م كاره‌ هونه‌ریه‌ .

PUKmedia  ئاری مسته‌فا -رانیه‌   
فۆتۆ- ئه‌حمه‌د مام كاك