وه‌زاره‌تی شه‌هیدان و ئه‌نفالكراوان سوپاسی خوێندنی باڵا ده‌كات

له‌به‌رامبه‌ر به‌خشینی 5 نمره‌ له‌سه‌ر كۆنمره‌ی ده‌رچوونی به‌كالۆریۆس به‌كه‌سوكاری شه‌هیدان

له‌ به‌رامبه‌ر به‌خشینی (5) نمره‌ له‌سه‌ر كۆنمره‌ی ده‌رچوونی به‌كالۆریۆس به‌ كه‌سوكاری شه‌هیدان و ئه‌نفالكراوان بۆ وه‌رگرتن له‌ خوێندنی باڵا، وه‌زاره‌تی كاروباری شه‌هیدان و ئه‌نفالكراوانی حكومه‌تی هه‌رێمی كوردستان سوپاسی وه‌زاره‌تی خوێندنی باڵاو توێژینه‌وه‌ی زانستی ده‌كات.

ده‌قی سوپاسنامه‌كه‌:
به‌خشینی (5) نمره‌ له‌سه‌ر كۆنمره‌ی ده‌رچوونی به‌كالۆریۆس به‌ كه‌سوكاری شه‌هیدان و ئه‌نفالكراوان بۆ وه‌رگیران له‌ خوێندنی باڵا، هه‌روه‌ك له‌ گشتاندنی وه‌زاره‌تی خوێندنی باڵا ژماره‌ 1067 له‌ 8/9/2014 دا هاتووه‌، به‌ناوی وه‌زاره‌تی كاروباری شه‌هیدان و ئه‌نفالكراوان وه‌كو داكۆكیكاری راسته‌قینه‌ی كه‌سوكاری شه‌هیدان و ئه‌نفالكراوان، ئه‌م هه‌نگاوه‌ی وه‌زاره‌تی خوێندنی باڵا به‌رز ده‌نرخێنین و پێمانوایه‌ هه‌نگاوێكی گرنگه‌ بۆ هاندانی رۆڵ و كه‌سوكاری شه‌هیدان و ئه‌نفالكراوان تا خوێندن ته‌واوبكه‌ن و ئاواتی شه‌هیدان و گه‌له‌كه‌یان بهێننه‌دی.
وه‌زاره‌تی كاروباری شه‌هیدان و ئه‌نفالكراوان هه‌وڵده‌دات له‌ هه‌مواركردنه‌وه‌ی یاسای نوێی ماف و ئیمتیازاتی كه‌سوكاری شه‌هیدان و ئه‌نفالكراواندا ئه‌و خاڵه‌ ئیجابیه‌ی وه‌زاره‌تی خوێندنی باڵاو توێژینه‌وه‌ی زانستی بۆ وه‌رگرتن له‌ خوێندنی باڵا (ماسته‌ر) جێگیربكرێت، له‌هه‌مانكاتدا وه‌زاره‌تی كاروباری شه‌هیدان و ئه‌نفالكراوان داواكاره‌ له‌ كاتی وه‌رگرتنی خوێندكاران له‌ زانكۆكاندا پێڕه‌وی هه‌مان ئیمتیازات بكرێت، تا هه‌لی زیاتری خوێندن بۆ رۆڵه‌و كه‌سوكاری شه‌هیدان بڕه‌خسێت.

PUKmedia  فوئاد عوسمان