یه‌كه‌م وه‌جبه‌ی فڕۆكه‌ی F16 ده‌گاته‌ عیراق

له‌ مانگی ئه‌یلولی ئه‌مساڵدا

سه‌ركرده‌ی هێزی ئاسمانی عیراقی رایگه‌یاند كه‌ برِیاره‌ له‌ مانگی ئه‌یلولی ئه‌مساڵدا یه‌كه‌م وه‌جبه‌ی فڕۆكه‌ی جۆری F16 بگاته‌ وڵاتی عیراق.

ئه‌نوه‌ر حه‌مه‌ ئه‌مین سه‌ركرده‌ی هێزی ئاسمانی عیراقی به‌هۆی هه‌شتاو سێیه‌مین ساڵیادی دامه‌زراندی هێزی ئاسمانی عیراقییه‌وه‌ له‌پارێزگای زی قار، رایگه‌یاند كه‌ له‌ مانگی ئه‌یلولی ئه‌مساڵدا یه‌كه‌م وه‌جبه‌ی فڕۆكه‌ی جه‌نگی له‌ جۆری F16 ده‌گاته‌ وڵاتی عیراق.

هه‌روه‌ها ئاماژه‌ی بۆ ئه‌وه‌شكرد: ئه‌م فڕۆكانه‌ ده‌بنه‌ هۆی به‌هێزتربوونی هێزی ئاسمانی عیراقی و ده‌توانین به‌م فڕۆكانه‌ تیرۆر له‌ وڵاتدا نه‌هێڵین.

ناوبراو راشیگه‌یاند: ته‌واوی ئه‌و فڕۆكانه‌ی كه‌ له‌مانگی ئه‌یلولی داهاتوودا ده‌گاته‌ عیراق له‌ جۆری F16-ن و هیوادارین بتوانین له‌گه‌ڵ هێزی وشكانی عیراقدا گورزی كوشنده‌ له‌ تیرۆریستان بوه‌شێنین.

PUKmedia   ئا / ڕه‌هێڵ مه‌حمود