كه‌ركوك.. كارتی ده‌نگدان وه‌ك به‌ڵگه‌نامه‌یه‌كی ره‌سمی به‌كارده‌هێنرێت

به‌كارده‌هێنرێت بۆ ده‌رهێنانی فۆڕمی خۆراك و پاسپۆڕت

دوای ئه‌وه‌ی نوری مالكی سه‌رۆك وه‌زیرانی عیراق بڕیاریدا كارتی ده‌نگدان وه‌ك به‌ڵگه‌نامه‌یه‌كی ره‌سمی به‌كاربهێنرێت بۆ ده‌ركردنی فۆڕمی خۆراك و پاسپۆڕت، پاریَزگاری‌ كه‌ركوك رایگه‌یاند ئه‌م بڕیاره‌ كارئاسانی ده‌كات بۆ هاووڵاتیان له‌ رایكردنی كاره‌كانیان.

دكتۆر نه‌جمه‌دین كه‌ریم پارێزگاری‌ كه‌ركوك رایگه‌یاند: له‌نوسراوێكدا كه‌ ئاڕاسته‌ی‌ وه‌زاره‌تی‌ كاروباری‌ پارێزگاكان و سه‌رجه‌م ‌پارێزگاكانی كراوه‌ به‌ ژماره‌ ج ع 8138 له‌ به‌رواری‌ 8- 4 برِیاردراوه‌ كارتی‌ ده‌نگدان به‌ڵگه‌نامه‌یه‌كی‌ ره‌سمی بێت له‌عیراق بۆ ده‌ركردنی‌ فۆرمی‌ خۆراك و پاسپۆڕت.

وتیشی: ئه‌م برِیاره‌ كارئاسانی‌ ده‌كات بۆ هاووڵاتیان له‌راییكردنی‌ كاره‌كانیان.

PUKmedia