‏ته‌ئكید له‌ پته‌وكردنی په‌یوه‌ندی زانكۆكانی عیراق و هه‌رێم كرایه‌وه‌

.

له‌ راگه‌یه‌نراوێكی د. جوان ئیحسان فه‌وزی سه‌رۆكی فراكسیۆنی یه‌كێتیی نیشتمانیی كوردستان له‌ئه‌نجومه‌نی نوێنه‌رانی عیراق، كه‌ كۆپییه‌كی بۆ  PUKmedia نێدراووه‌، تێدیا هاتووه‌  ئه‌مڕۆ 7-7-2020، وه‌ك فراكسیۆنی یه‌كێتیی نیشتمانیی كوردستان له‌ئه‌نجومه‌نی نوێنه‌رانی عیراق سه‌ردانی وه‌زاره‌تی خوێندنی باڵاو توێژینه‌وه‌ی زانستیمانكرد و له‌گه‌ڵ به‌ڕێز دكتۆر( نبیل كازم  عبدالێحاب) وه‌زیری خوێندنی باڵاو توێژینه‌وه‌ی زانستی حكومه‌تی فیدراڵ كۆبوینه‌وه‌، سه‌ره‌تا به‌ناوی هه‌ڤاڵانم له‌فراكسیۆنی یه‌كێتی نیشتمانی كوردستان له‌ئه‌نجومه‌نی نوێنه‌رانی عێراق پیرۆزبایی ده‌ست به‌كاربوونمان لێكردو هیوای سه‌ركه‌وتن و به‌رده‌وامیمان بۆخواست ، ته‌وه‌رێكی تری كۆبونه‌وه‌كه‌مان بریتی بوو له‌ باسكردنی ئه‌و گرفت و ئاسته‌نگانه‌ی كه‌به‌هۆی ڤایرۆسی كۆرۆناوه‌ هاتووه‌ته‌ به‌رده‌م پرۆسه‌ی خوێندن و كاركردن بۆ به‌ئه‌لكترۆنیكردنی پرۆسه‌ی خوێندن، هه‌روه‌ها داوامان له‌وه‌زیری خوێندنی باڵای حكومه‌تی فیدراڵ كرد په‌یوه‌ندیه‌كی پته‌ویان له‌گه‌ڵ هه‌رێم هه‌بێت و به‌هه‌ماهه‌نگی كاربۆ چاره‌سه‌ركردنی كێشه‌كان بكه‌ین به‌تایبه‌ت كێشه‌ی ئه‌و زانكۆو په‌یمانگایانه‌ی له‌عیراق و هه‌رێم وه‌لاخراون له‌چوارچێوه‌ی وه‌زاره‌تدا ڕێكبخرێنه‌وه‌و كێشه‌ی خوێندنی ناوچه‌ دابڕاوه‌كان چاره‌سه‌ربكرێت كه‌ساڵانه‌ دوچاری ئاسته‌نگ و گرفت ده‌بنه‌وه‌ ، جه‌ختكردنه‌وه‌ له‌به‌هێزكردنی په‌یوه‌ندی نێوان هه‌ردولاو كاركردن بۆ ئه‌نجامدانی سه‌ردان و كۆڕو سیمینار به‌ڕه‌چاوكردنی (الزمالات الدراسیه‌ و البعپات العلمیه‌) بۆخوێندكارانی زانكۆكانی هه‌رێمی كوردستان ، له‌كۆتایدا بانگهێشتی وه‌زیری خوێندنی باڵای حكومه‌تی فیدراڵ مانكرد بۆ هه‌رێمی كوردستان و هه‌موو پشتیوانییه‌كی فراكسیۆنی یه‌كێتیی نیشتمانیی كوردستان له‌ئه‌نجومه‌نی نوێنه‌رانی عیراق بۆ وه‌زاره‌تی خوێندنی باڵای حكومه‌تی فیدراڵ مان دووپاتكرده‌وه‌ .

دكتۆر جوان ئیحسان فه‌وزی
سه‌رۆكی فراكسیۆنی یه‌كێتیی نیشتمانیی كوردستان
له‌ئه‌نجومه‌نی نوێنه‌رانی عیراق

PUKmedia