هه‌ولێر.. قه‌ده‌غه‌ی هاتوچۆ جێبه‌جێ ده‌كرێت

.

ئه‌مڕۆ سێ شممه‌ 30-6-2020، قه‌ده‌غه‌ی ھاتووچۆ له‌ سنووری پارێزگای ھه‌ولێر كه‌وته‌ بواری جێبه‌جێكردنه‌وه‌ و ماوه‌ی پێنج رۆژ به‌رده‌وام ده‌بێت.

به‌ھۆی ته‌شه‌نه‌كردنی ڤایرۆسی كۆرۆنا ژووری ئۆپه‌راسیۆنی ھه‌ولێر بڕیاریدا له‌ ئه‌مڕۆوه‌ تا 4/7/2020 ھاتووچۆ قه‌ده‌غه‌ بكرێت. به‌گوێره‌ی بڕیاره‌كه‌ تا ئه‌و واده‌یه‌ ھیچ جۆره‌ ھاتووچۆیه‌ك له‌نێوان ھه‌ولێر و پارێزگاكانی دیكه‌ نابێت.

به‌پێی بڕیاره‌كه‌ی ژووری ئۆپه‌راسیۆنی ھه‌ولێر، رێگه‌ ده‌درێت به‌ كرانه‌وه‌و كاركردنی ئه‌م شوێنانه‌:. نانه‌واخانه‌كان، ماركێتی گه‌ڕه‌كه‌كان، دوكانی سه‌وزه‌ و میوه‌فرۆشی، عه‌لوه‌، ئۆتۆمبێلی دابینكردنی كه‌لوپه‌لی ماركێته‌كان، ئۆتۆمبێلی گه‌یاندنی ده‌رمان، ده‌رمانخانه‌ی ئێشكگر، ئۆتۆمبێلی فرۆشتنی غازی ماڵان، كۆمپانیای په‌یوه‌ندی، تانكه‌ری گازی موه‌لیده‌، كۆمپانیای خۆراك".

PUKmedia تایبه‌ت