لیژنه‌ی باڵای ئۆپراسیۆنه‌كانی سلێمانی هۆشداریی ده‌دات

.

ئه‌مڕۆ 11-6-2020 لیژنه‌ی باڵای ئۆپراسیۆنه‌كانی پارێزگای سلێمانی بۆ به‌ره‌نگاربوونه‌وه‌ی كۆرۆنا، به‌ سه‌رپه‌رشتیی د.هه‌ڤاڵ ئه‌بوبه‌كر پارێزگاری سلێمانی كۆبۆوه‌.

له‌ كۆبوونه‌وه‌كه‌دا قۆناغه‌ مه‌ترسیداره‌كانی ته‌شه‌نه‌كردنی په‌تای كۆرۆناو چۆنێتی به‌ره‌نگاربوونه‌وه‌ی گفتوگۆی له‌سه‌ر كراو جه‌خت له‌سه‌ر به‌رده‌وامبوون له‌ جێبه‌جێكردنی ڕێكاره‌كانی چاودێریكردن و خۆپارێزیی و هه‌ماهه‌نگیی نێوان خه‌ڵك و داموده‌زگاكانی ده‌وڵه‌ت كرانه‌وه‌.

چه‌ند بڕیارو ڕێنماییه‌كی پێویست به‌ دۆخی ئێستا ده‌ركران، لیژنه‌ی باڵای ئۆپراسیۆنه‌كانی پارێزگای سلێمانی بۆ به‌ره‌نگاربوونه‌وه‌ی كۆرۆنا هه‌موولایه‌ك ئاگادارده‌كاته‌وه‌، كه‌ ئه‌گه‌ر پابه‌ندی خۆپارێزیی و ڕێنماییه‌ ته‌ندروستییه‌كان نه‌بن هه‌ڕه‌شه‌یه‌كی جدیی له‌سه‌ر ژیان و گوزه‌رانیان دروست ده‌بێت و ژماره‌ی قوربانییه‌كان زیاتر ده‌بن.

PUKmedia راگه‌یاندنی پارێزگای سلێمانی