لیژنەی دارایی:مووچەی فەرمانبەران كەمناكرێتەوە

.

سەرۆكی لیژنەی دارایی پەرلەمانی عیراق رایگەیاند كەمكردنەوەی مووچە تەنها سەرۆكایەتییەكان و پلە باڵاكان دەگرێتەوەو فەرمانبەرانی خوارەوە ناگرێتەوە.

هەیسەم جبوری سەرۆكی لیژنەی دارایی ئەنجومەنی نوێنەرانی عیراق رایگەیاند بڕیاری كەمكردنەوەی مووچە، سەرۆكایەتییەكانی كۆمار، نوێنەران و وەزیران هەروەها پەرلەمانتاران و پلە تایبەتەكان دەگرێتەوە.

پێشتریش سامر غەزبان وەزیری نەوتی عیراق،رایگەیاندبوو: هیچ بڕیارێك لە بارەی كەمكردنەوەی مووچەو دەرماڵەی فەرمانبەرانی دەوڵەت نەدراوەو ئەم پرسە دەكەوێتە ئەستۆی كابینەی نوێی حكومەتی عیراق، وتیشی: مووچەی مانگی نیسانی فەرمانبەران دابینكراوە.

غەزبان باسی لەوەشكردووە: لە ساڵی 2019دا، داهاتی نەوتی عیراق نزیكەی 78 ملیار دۆلار بووەو نرخی بەرمیلێك نەوت لەو كاتەدا 61 دۆلار بووە، بەڵام بەهۆی دابەزینی نرخی نەوت و قەیرانی دارایی، پێشبینی دەكرێت لە ساڵی 2020 دا، داهاتی نەوتی عیراق نزیكەی 40 ملیار دۆلار بێت.

PUKmedia