سه‌رۆك وه‌زیرانی كه‌نه‌دا پیرۆزبایی له‌موسڵمانان ده‌كات

.

جه‌ستن ترودۆ سه‌رۆك وه‌زیرانی كه‌نه‌دا له‌ ئۆتاوای پایته‌خت وتارێكی به‌بۆنه‌ی هاتنی مانگی ڕه‌مه‌زانی پیرۆز پێشكه‌شكردو تیایدا پیرۆزبایی مانگی ڕه‌مه‌زانی ئاڕاسته‌ی سه‌رجه‌م موسڵمانان كرد .

جۆستن ترودۆ سه‌رۆك وه‌زیری كه‌نه‌دا پێشه‌كی وتاره‌كه‌ی به‌ سلام علیكم ده‌ستیپێكرد ، پاشان به‌بۆنه‌ی هاتنی مانگی ڕه‌مه‌زان پیرۆزبایی ئاراسته‌ی سه‌رجه‌م موسڵمانان كردو هیوای خۆشی و سه‌لامه‌تی بۆیان خواست.

ترودۆ له‌ به‌شێكی وتاره‌كه‌یدا ئاماژه‌ی به‌ پرۆسه‌ی مانگی ڕه‌مه‌زانداو وتی "  له‌ كاتی خۆرئاوابوونی ئه‌م شه‌و ، موسڵمانانی كه‌نه‌داو جیهان به‌گشتی پرۆسه‌ی ده‌ستپێكی مانگی ڕه‌مه‌زان ده‌گێڕن .

 ئه‌مه‌ش گه‌شتێكی ڕۆحی نوێژو ڕۆژوگرتنی موسڵمانانه‌ بۆ ماوه‌ی مانگێك به‌رده‌وام ده‌بێت ، ڕه‌مه‌زان كۆبوونه‌وه‌یه‌كی كۆمه‌ڵایه‌تی خێزان و هاوڕێكانیانه‌، به‌درێژایی رۆژ به‌ڕۆژوو ده‌بن و ئێواره‌ش به‌خواردنی ئیفتار كۆتایی پێدێنن ، مانگی ڕه‌مه‌زان ڕه‌وشتی میهره‌بانی و خۆشه‌ویستی و ڕێزگرتنه‌ هه‌موو كاتێك ده‌نگی داوه‌ته‌وه‌ ، مانگی سه‌ده‌قه‌ و باوه‌ڕبه‌خۆبوونمان وه‌بیر دێنێتیه‌وه‌ پێویسته‌ ئه‌م ڕه‌فتارانه‌ له‌ ژیانی رۆژانه‌ماندا په‌یڕه‌و بكه‌ین .

هه‌مووان ئاشنای هاوكاری و چالاكییه‌ به‌نرخه‌كانی موسڵمانانی كه‌نه‌داین كه‌ له‌پێناو خزمه‌تكردنی وڵاته‌كه‌مان پێشكه‌شی ده‌كه‌ن ئه‌مه‌ش جێی سوپاس و پێزانینه‌ .

سه‌رۆك وه‌زیرانی كه‌نه‌دا له‌ درێژه‌ی وته‌كه‌یدا ڕایگه‌یاند: مانگی ڕه‌مه‌زانی ئه‌م ساڵ به‌ بۆنه‌ی بڵاوبوونه‌وه‌ی ڤایرۆسی كورۆنا جیاواز ده‌بێت له‌ساڵانی ڕابردوو ، هه‌موو هه‌وڵێك ده‌ده‌ین بۆ پاراستنی هاوڵاتیان له‌ میانه‌ی مانه‌وه‌یان له‌ماڵه‌وه‌ و جێبه‌جێكردنی ڕێنماییه‌كانی ته‌ندرووستی گشتی. موسڵمانانی كه‌نه‌داش  ده‌توانن  له‌ ڕێگه‌ی ئه‌نته‌رنێت نوێژی هه‌ینی خۆیان ئه‌نجام بده‌ن كه‌ پێشتر له‌ مزگه‌وته‌كان جێبه‌جێیان ده‌كرد .  

له‌كۆتاییدا سه‌رۆك ترودۆ به‌ناوی بنه‌ماڵه‌ و سۆفیای هاوسه‌ری هیوای خواست موسڵمانان بۆنه‌ی مانگی ڕه‌مه‌زانیی پیرۆز به‌ خۆشی وئاشتی  به‌رنه‌سه‌ر .
دواتر  به‌ " ره‌مه‌زان موباره‌ك " سه‌رۆك وه‌زیران كۆتایی به‌ وتاره‌كه‌ی هێنا .

سه‌رچاوه‌/ ستی نیوز ، كه‌نه‌دا

PUKmedia عوسمان عه‌لی ، تورونتۆ