گەرمیان.. چەند پڕۆژەیەكی گرنگی تەندروستی لەجێبەجێكردندان

.

بەڕێوبەری گشتی تەندروستی گەرمیان و سەرۆكی زانكۆی گەرمیان و راگری پەیمانگای تەكنیكی كەلار، ژمارەیەك پرۆژەی تەندروستی بەسەردەكەنەوە كە تایبەتن بە كۆرۆنا لە سنورەكە.

لەراگەیەنراوێكدا تەندروستی گەرمیان ئاشكرایكردوە:" لەو سەردانەدا تاقیگەی تایبەتی زانكۆی گەرمیان بەسەركرایەوە كە كارەكانی لە تەواو بون نزیك بوەتەوە، تیایدا بەش و پێكھاتەكانیان بەسەركردەوە، كە بەتەواوبونی، تاقیگەكە ھاوشانی تاقیگەی تەندروستی گەرمیان دەبێتە ناوەندێكی زانستی گرنگ لە ھەوڵەكانی روبەڕوبونەوەی كۆرۆنا لە سنورەكە.

رونیشكراوەتەوە:" ھەروەك سەردانی نەخۆشخانەی گشتی كەلاریان كرد كە بەشی زۆری خزمەتگوزارییەكانی تەرخانكراوە بە روبەڕوبونەوەی كۆرۆنا و لە نزیكەوە لە بەش و یەكەكانیان كۆڵیەوە و ئاگاداری خزمەتگوزارییەكان بون، كە بە پشت بەستن بە بنەما زانستیە بەركارەكان كە رێكخراوی تەندروستی جیھانی و وەزارەتی تەندروستی بەڕێوەدەبرێن.

ئاماژە بەوەشدراوە:" ھەروەك سەردانی نەخۆشخانەی قەڵای تایبەت بە كۆرۆنایان كرد و لە ھەنگاوەكانی تەواوبونی ئاگادار بون و لەو روەوە لەگەڵ ستافی خێرخوازانی ئەنجامدەری پرۆژەكە قسەیان كرد و راوبۆچونیان گۆڕیەوە.

PUKmedia راگەیەنراو