مووچه‌ی وه‌زاره‌تێكی دیكه‌ دابه‌شده‌كرێت

.

 بڕیاره‌ ئه‌مڕۆ سێ شه‌ممه‌ 25-2-2020 مووچه‌ی مانگی 11ی ساڵی رابردووی وه‌زاره‌تێكی دیكه‌ دابه‌شبكرێت.

به‌پێی راگه‌یه‌نراوێك كه‌ له‌ وه‌زاره‌تی داراییه‌وه‌ بۆ PUKmedia نێراوه‌، ئه‌مڕۆ مووچه‌ی مانگی 11ی ساڵی رابردووی وه‌زاره‌تی پلاندانان دابه‌شده‌كرێت.

به‌هۆی نه‌ناردنی مووچه‌ی فه‌رمانبه‌رانی هه‌رێمی كوردستان له‌لایه‌ن به‌غداوه‌، وه‌زاره‌تی دارایی دابه‌شكردنی مووچه‌ی وه‌زاره‌ته‌كانی خاو كردوه‌ته‌وه‌و له‌چاوه‌ڕوانی گه‌یشتنی پاره‌كه‌ی به‌غدایه‌.

جێی ئاماژه‌یه‌، به‌شێك له‌وه‌زارته‌كان زیاتر له‌ 37 رۆژه‌ مووچه‌یان وه‌رنه‌گرتووه‌، ئه‌مه‌ش له‌كاتێكدایه‌، كه‌ پێشتر وه‌زاره‌تی دارایی رایگه‌یاندبوو، هه‌موو 30 رۆژ جارێك مووچه‌ دابه‌شده‌كرێت.

PUKmedia تایبه‌ت