سەرۆکی فراکسیۆنی یەکێتی: عیراق پێویستی بە مانەوەی هێزە بیانییەکانە
کوردستان 12:44 PM - 2024-01-08هەرێم کەمال ئاغا سەرۆکی فراکسیۆنی یەکێتی
ههرێم كهمال ئاغا سەرۆکی فراکسیۆنی یەکێتیی
نیشتمانیی کوردستان لهئهنجومهنی
نوێنهرانی عیراق لهچاوپێكهوتنێكیدا لهگهڵ PUKMEDIA ئاماژه بۆ ئهوهدهكات:"مانەوەی هێزە بیانییەکان
بۆ عیراق لەرووی ماددی مەعنەوییەوە گرنگن و پێویستە ئەو پرسە بە گفتوگۆ و
لێکتێگەیشتن چارەسەر بکرێت"، دەشڵێت:"کاری
لەپێشینەی وەرزی نوێی یاسادانانی پەرلەمان دەستنیشانکردنی سەرۆکێکە بۆ خۆی، چونکە
بێ سەرۆک، پەرلەمان هیچ کارێکی پێناکرێت".
دهقی چاوپێكهوتنهكه:
* کەی پشوی پەرلەمان کۆتایی دێت و دانیشتنەکانی دەستپێدەکاتەوە؟
-سبەینێ سێشەممە ٩-١-٢٠٢٤ پشوی پەرلەمان کۆتای پێدێت و بڕیاریشە
سەرەتا سەرۆکی فراکسیۆنەکان کۆببنەوە بەتایبەت لەئێستادا کە پەرلەمان کێشەی سەرۆکی
هەیە و پاش ئەو کاتە زۆرەشی درا بە سوننەکان، بەڵام تا ئێستا نەیانتوانی کەسێک بۆ
ئەو پۆستە دیاریبکەن، هەتا پەرلەمانیش سەرۆکێک بۆ خۆی دیاریی نەکات ناتوانرێت هیچ
پرۆژەیەک پەسند بکات.
*هەڵوێستی فراکسیۆنی یەکێتی لەبارەی نەمانی هێزە بیانییەکان لەعیراق
چییە؟
-هێزە بیانییەکان ئەرکیان پاراستنی عیراق و تێکشکاندنی داعش بووە لە
وڵات، لەگەڵ ئەوەی رێککەوتنێکی سیاسیش هەبووە بۆ کۆتایی هێنان بە ئەرکی هێزە
بیانییەکان، بەڵام تا ئێستا حکومەتی عیراق گیرۆدەی چەند پرسێکی گرنگە وەک سیادەی
عیراق و پاراستنی خاک و ئاسمانەکەی و پرسی ئاو و پارێزگاریکردن لە باڵیۆزخانەکان و
چەندین پرسی گرنگی تر، کە نەیتوانیوە چارەسەریان بکات، بۆیە ئێمە وەک فراکسیۆنی
یەکێتی پێمان وایە پرسی کۆتایی هێنان بە ئەرکی هێزە بیانییەکان لە عیراق پێویستە
بە گفتوگۆ و لێکتێگەیشتن و رێککەوتن بێت، نەک بە درۆن و جوڵاندنی شەقام.
*ئایا دەرکردنی هێزە بیانییەکان دەرفەت ناڕەخسێنێت بۆ سەرلەنوێ
سەرهەڵدانەوەی تیرۆریستانی داعش لە عیراق؟
- هێزە بیانییەکان هێزێکی مەعنەوی و ماددی گرنگن بۆ عیراق و تا ئێستاش
عیراق نەیتوانیوە بەسەر هەندێک پرسی گرنگدا زاڵبێت، بە پێچەوانەشەوە عیراق
دەتوانێت سودێکی زۆر لە هێزە بیانییەکان ببینێت، ئەوەشمان لەبیربێت کە هەر هێزە
بیانییەکان بوون توانییان رژێمی عیراق بروخێنن و لەشەڕی تیرۆریستانیشدا رۆڵێکی
گرنگ و بەرچاو ببینن و هاوکات پێگەیەکی سیاسی بەهێز لەناوچەکە بۆ عیراق دروستبکەن.
*کەی هەموارکردنەوەی یاسای بودجە دێتە پەرلەمان؟
-هەنگاوی یەکەمی پەرلەمان دەستنیشانکردنی سەرۆکێکی نوێیە بۆ پەرلەمان،
پاشان دەکرێت ئەو پرۆژانەی کە رەهەندێکی نیشتمانییان هەیە و پەیوەندی راستەوخۆیان
بە ژیانی خەڵکەوە هەیە، لە پەرلەمانەوە دەنگیان لەسەر بدرێت، کە بێگومان هەمواری
یاسای بودجە لە گرنگترینیانە، لەئێستاشدا کە وەفدی حکومەتی هەرێم بۆ ئەو پرسە لە
بەغدایە گفتوگۆی لێکتێگەیشتنی باش لەسەر بودجە هەیە.
"ئێمە وەک کورد کێشەمان لەسەر ژمارە لەبودجەدا نییە، بەڵکو
کێشەمان لەگەڵ خەرجی کرداری لە یاسای بودجەدا هەیە و نامانەوێت ئەو خەرجییە ببێتە
بەشێک لە مووچە، بەڵکو دەمانەوێت یاسای بودجە بەشێوەیەک هەمواربکرێتەوە، کە خەرجی
کرداری لە موچە جیابکرێتەوە، پاشان دەتوانرێت ئەو قەرزانەی کە دراون بە حکومەتی هەرێم بەشێوەیەک
لێی وەربگیرێتەوە کە کاریگەری نەبێت لەسەر موچەی فەرمانبەرانی".
*ئایا وەفدی هەرێم تەنها بۆ پرسی بودجە و موچە لەبەغدان؟
- بەڵێ، ئەو وەفدەی حکومەتی هەرێم کە لەئێستادا لە بەغدان گفتوگۆکانیان
لەگەڵ لایەنە پەیوەندیدارەکان سەبارەت بەکێشەی موچە و هەموارکردنەوەی یاسای بودجە
و پرسی قەرزەکانی و هەناردەکردنەوەی نەوت دەستپێکردووە و هیوادارین ئەنجامێکی باشی
هەبێت.
*ئایا بوونی پێشمەرگە لەناوچە جێناکۆکەکان گرنگە؟
-بەڵێ، ئەو هێزە هاوبەشانەی کە لەنێوان پێشمەرگە و سوپای عیراقدا هەن
کاریگەری زۆر باشیان لەسەر ئارامی ناوچە جێناکۆکەکان دروستکردووە و دەکرێت گرنگی
زیاتریان پێبدرێت، هاوکات دەتوانرێت هاوتەریب لەگەڵ جێبەجێکردنی ماددەی ١٤٠ دا،
ئارامی زیاتر بۆ ناوچە جێناکۆکەکان دەستەبەر بکرێت، ئەمەش دەبێتە هۆی دروستبوونی ئیدارەی
هاوبەش و کاری هاوبەش و هێزی هاوبەش و سنوری هاوبەش بەمەش ئەو بۆشاییە ئەمنییەی کە
هەیە پڕدەکرێتەوە و دەرفەت بۆ تیرۆریستان ناهێڵرێتەوە.
PUKMEDIA
هەواڵی زیاتر
-
کۆمسیۆن کارەکانی هەڵبژاردنی پەرلەمانی کوردستانی هەڵپەسارد
10:01 AM - 2024-05-08 -
ناشادی شێوەکار کۆچی دواییکرد
11:03 PM - 2024-05-07 -
نەوەی نوێ ژێربەژێر لەگەڵ پارتی رێکدەکەوێت و بە ئاشکرا ناوی یەکێتی دەهێنێت
08:24 PM - 2024-05-07 -
ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن
11:59 AM - 2024-05-07
ئەمانەش ببینە
ئهنجومهنی وهزیران تاوتوێی به ههمیشهییكردنی فهرمانبهرانی گرێبهست دهكات
10:35 AM - 2024-05-08
سەرۆک بافڵ بۆ کیمبەرلی هارینگتۆن: بەرپرسیارانە مامەڵە لەگەڵ وزە دەکەین
08:01 PM - 2024-05-07
هیومان رایتس وۆچ: لهههرێم یاسای ناروون بۆ بێدهنگكردنی رۆژنامهنووس بهكاردههێندرێت
04:20 PM - 2024-05-07
یەکێتی لە دژی سکاڵاکەی مەسرور بارزانی داوایەک ئاڕاستەی دادگای فیدراڵی دەکات
01:58 PM - 2024-05-07
زۆرترین خوێنراو
-
شاڵاو کۆسرەت رەسوڵ بەشداری لە پرسەی حاجی زبێد کرد
پرسەنامە 08:43 PM - 2024-05-07 -
نەوەی نوێ ژێربەژێر لەگەڵ پارتی رێکدەکەوێت و بە ئاشکرا ناوی یەکێتی دەهێنێت
کوردستان 08:24 PM - 2024-05-07 -
سەرۆک بافڵ بۆ کیمبەرلی هارینگتۆن: بەرپرسیارانە مامەڵە لەگەڵ وزە دەکەین
کوردستان 08:01 PM - 2024-05-07 -
هیومان رایتس وۆچ: لهههرێم یاسای ناروون بۆ بێدهنگكردنی رۆژنامهنووس بهكاردههێندرێت
کوردستان 04:20 PM - 2024-05-07 -
سهعدی پیره: یۆنامی رۆڵی ههبێت لهئهنجامدانی ههڵبژاردن لهكاتی خۆیدا
ی ن ک 03:07 PM - 2024-05-07 -
یەکێتی لە دژی سکاڵاکەی مەسرور بارزانی داوایەک ئاڕاستەی دادگای فیدراڵی دەکات
کوردستان 01:58 PM - 2024-05-07 -
ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن
کوردستان 11:59 AM - 2024-05-07 -
کۆمسیۆن: وەرەقەی دەنگدانی گشتی و تایبەت بۆ هەڵبژاردن چاپدەکرێت
کوردستان 10:38 AM - 2024-05-07