شێخ جەعفەر: رێکەوتنی ئەمریکا و ئێران ئاشتی بچەسپێنێت

PUKMEDIA

کۆبونەوەی شێخ جەعفەر و توێژەری باڵا لە پەیمانگەی نیو لاینز

ئەمڕۆ، شێخ جەعفەر شێخ مستەفا، جێگری سەرۆکی هەرێمی کوردستان، پێشوازیی لە مایلز کاگینز، توێژەری باڵا لە پەیمانگەی نیو لاینز و وتەبێژی پێشووی هێزی هاوپەیمانان، کرد.

لە کۆبوونەوەکەدا دوایین پێشهاتە سیاسی و ئەمنییەکانی عیراق و ناوچەکە، پەرەپێدانی پەیوەندییەکانی ئەمریکا لەگەڵ عیراق و هەرێمی کوردستان، پێکهێنانی کابینەی نوێی حکومەت و دۆخی ناوخۆی هەرێمی کوردستان، کێشە هەڵواسراوەکانی هەولێر ـ بەغداد و چەند پرسێکی هاوبەش و جێی بایەخی هەردوولا، تاوتوێ کران.

جێگری سەرۆکی هەرێم سوپاس و پێزانینی هه‌رێمی كوردستانی بۆ پشتگیریی به‌رده‌وامی ئەمریکا له‌ عیراق و هه‌رێمی كوردستان دووپاتكرده‌وه و هیوای خواست ڕێکەوتنی نێوان ئەمریکا و ئێران ببێتە مایەی چەسپاندنی ئاشتی و ئارامی و سەقامگیریی زیاتر بۆ ناوچەکە و نەمانی گرژی و ئاڵۆزییەکانی ڕۆژهەڵاتی ناوەڕاست.

لای خۆیەوە، مایلز کاگینز دووپاتی کردەوە کە وڵاتەکەی بە بایەخەوە لە ڕۆڵ و پێگەی هەرێمی کوردستان دەڕوانێت، هەروەها جەختی لە بەردەوامیی پاڵپشتییەکانی وڵاتەکەی بۆ عیراق و هەرێمی کوردستان کردەوە، لەپێناو گرنگیی پاراستنی ئارامی و سەقامگیری ناوچەکە.

PUKMEDIA