قائیمقامی کەرکوک: هەرلایەنێک تۆمەت بۆ یەکێتی دروستبکات، دەدرێتە دادگا

PUKMEDIA

کەرکوک

قائیمقامی کەرکوک رایدەگەیەنێت: ئەو تۆمەتانەی باس لە وەرگرتنی شوێنی بەشی زیادەڕۆیی لە کەرکوک بۆ پرۆژە لەلایەن یەکێتییەوە دەکەن، رووبەرووی دادگا دەکرێنەوە.

ئاڤێستا شێخ محەمەد، قائیمقامی کەرکوک ئەمڕۆ پێنجشەممە 2-7-2026 لە کۆنگرەیەکی ڕۆژنامەوانیدا رایگەیاند: یەکێتیی نیشتمانیی کوردستان لە کەرکوک تەنیا خزمەتی پێشکەشی هاوڵاتییان کردووە و بە خـوێن ئەو شارەی پاراستووە، بۆیە کاتێک بەتۆمەت بڵاودەکرێتەوە کە یەکێتی ئەو شوێنەی بۆ پڕۆژەیەک وەرگرتووە کە لیژنەکانی قائیمقامییەت، بە زیادەڕۆیان داناوە، هەر لایەنێک لەو ڕووەوە تۆمەت بۆ یەکێتی دروستبکات، ڕووبەڕووی دادگا دەکرێتەوە، سەرجەم ئەو بابەتانەش دوورن لە ڕاستییەوە.

وتیشی: ڕووبەڕووی ئەوانە دەبینەوە کە زەوی داگیردەکەن و وەک مافیا خۆیان دەردەخەن، ئەو ڕێکارانەش کە بۆ نەهێشتی زیادەڕۆیی ئەنجاممانداون، سەرجەمیان یاسایین.

ئاماژەی بەوەشکرد: لایەنێک هەستاوە بە دروستکردنی ئاژاوە لە شاری کەرکوک و ڕووبەڕووی هێزە ئەمنییەکان بوونەوە، لێرەوە دایدەگەیەنین هەرکەسێک تۆمەتبار بێت بە دروستکردنی ئەو ئاژاوەیە، بە دڵنیاییەوە دەدرێتە دادگا.

PUKMEDIA