دادگای تێهەڵچوونەوەی عیراق بڕیاری سزای لەسێدارەدانی عەجاجی پەسند كرد
کوردستان 12:48 PM - 2026-07-02
ميدياكان
دادگایی كردنی عەجاج، جەلادەكەی نوگرەسەلمان
دادگای تێهەڵچوونەوەی عیراق، بڕیاری سزای لەسێدارەدانی عەجاجی پەسند كرد، كەپێشتر لەلایەن دادگای رەسافەوە، سزای لەسێدارەدان بۆ ناوبراو دەركرابوو، هاوكات بەپێی بڕیاری دادگا، دۆسيیەی عەجاج رەوانەی سەرۆكایەتی كۆمار دەكرێت.
ئەمڕۆ 2ی 7ی 2026، دادگای تێهەڵچوونەوەی عیراق سزای لەسێدارەدانی عەجاجی پەسند كردو رایگەیاند: عەجاجی جەلادی ئەنفال، تاوانی كۆمەڵكوژی ئەنجامداوە.
هاوكات بەپێی بڕیاری دادگای تێهەڵچوونەوەی عیراق، دۆسیەی عەجاج رەوانەی سەرۆكایەتی كۆمار دەكرێت بۆ ئەوەی مەرسومی كۆماریی بۆ لەسێدارەكانی دەربكرێت.
ئەمەش لەكاتێكدایە، رۆژی 14ی5ی2026 دووەم دانیشتنی دادگایی كردنی عەجاج، جەلادەكەی نوگرە سەلمان لەدادگای رەسافە لەبەغداد بەڕێوەچوو، دادگاكە بڕیاری لەسێدارەدانی بۆ عەجاج دەركرد.
پاش بڕیارەكەش، ئەنجومەنی باڵای دادوەری عیراق رایگەیاند: بڕیارەكەی دادگای باڵای تاوانەكانی عیراق، لەسەر بنەمای بەشداریكردنی عەجاج لەتاوانەكانی كۆمەڵكوژی دژی دەستگیركراوانی كورد لەبیابانی سەماوە دراوە، كە تێیدا هەزاران كەس بوونە قوربانی.
ئاماژەی بەوەشكرد: عەجاج سیاسەتی دڕندانەی دژی هەزار و 68 هاووڵاتی ئەنفالكراو پەیڕەو كردووە، كە پێكهاتبوون لە ژن و منداڵ و بەساڵاچووان، هەروەها جەختی لەوە كردەوە، سزاكە بەپێی ماددەكانی 11، 12، 15 و 24 لە یاسای دادگای باڵای تاوانەكان دەركراوە و هیچ بوارێكی تری بۆ تانەدان نەهێشتووەتەوە.
جێی ئاماژەیە، 7ی 5ی 2026، بەئامادەبوونی دەیان شایەتحاڵ و كەسوكاری ئەنفالكراوان، یەكەم دانیشتنی دادگاییكردنی (عەجاج ئەحمەد حەردان تكریتی) لەدادگای رەسافە لەبەغداد بەڕێوەچوو.
تاوانبار عەجاج ئەحمەد حەردان، یەكێك بووە لەسەرپەرشتیارانی زیندانی نوگرە سەلمان لەپارێزگای سەماوە لەباشوری عیراق و رۆژی 31ی 7ی 2025، هەواڵی دەستگیركردنی لەلایەن نوسینگەی خانمی یەكەمی پێشووی عیراقەوە راگەیەندراو داواش لە زیندانیكراوان و كەسوكاری زیندانیكراوان و بێسەرشوێنبووەكان كرا پەیوەندیان پێوەبكەن بۆ تۆماركردنی سكاڵا دژی ئەو تاوانبارە.
PUKMEDIA
هەواڵی زیاتر
-
قائیمقامی کەرکوک: هەرلایەنێک تۆمەت بۆ یەکێتی دروستبکات، دەدرێتە دادگا
08:32 PM - 2026-07-02 -
تەقینەوەیەک لە دیمەشق چەندین کوژراو و بریندارى لێکەوتەوە
04:21 PM - 2026-07-02 -
لەهەڵەبجە نۆ هەزار كەس كێبڕكێ لەسەر 250 پۆستی دامەزراندن دەكەن
01:53 PM - 2026-07-02 -
نرخی نەوت رووی لە دابەزینە
10:31 AM - 2026-07-02
ئەمانەش ببینە
لهتیف نێروهیی: رێككهوتنی یهكێتی و نهوهی نوێ لهپێناو بهرژهوهندی گشتییه
02:24 PM - 2026-07-02
دادگای تێهەڵچوونەوەی عیراق بڕیاری سزای لەسێدارەدانی عەجاجی پەسند كرد
12:48 PM - 2026-07-02
ئەمریکا ناردنی دۆلاری کاشی بۆ عیراق دەستپێکردەوە
11:04 AM - 2026-07-02
پشووی هاوینەی نوێنەران کۆتایی دێت
10:42 AM - 2026-07-02
زۆرترین خوێنراو
-
ئەمریکا ناردنی دۆلاری کاشی بۆ عیراق دەستپێکردەوە
عیراق 11:04 AM - 2026-07-02 -
هاواری من؛ بەڵگەنامەیەکە لەسەر سەدەیەک لە نادادی
بیروڕا 11:01 AM - 2026-07-02 -
پشووی هاوینەی نوێنەران کۆتایی دێت
عیراق 10:42 AM - 2026-07-02 -
نرخی نەوت رووی لە دابەزینە
جیهان 10:31 AM - 2026-07-02 -
سەرۆک بافڵ و ئیبراهیم کاڵن تەئکید لەپتەوکردنی پەیوەندییەکانیان دەکەنەوە
کوردستان 10:02 PM - 2026-07-01 -
بنەماڵەی میر کریم خانی برادۆست روونکردنەوەیەک بڵاودەکەنەوە
کوردستان 08:59 PM - 2026-07-01 -
ئۆپیک پڵەس بڕی بەرهەمهێنان زیاد دەکات
جیهان 08:24 PM - 2026-07-01 -
شێخ جەعفەر شێخ مستەفا سەردانی بەڕێوبەری گشتیی هێزەکانی دژەتیرۆر دەکات
کوردستان 08:19 PM - 2026-07-01






دابەزێنە

