سەعدی پیرە و خالید شوانی: پەرلەمان وەڵامدەرەوەی داواکاری خەڵک بێت

PUKMEDIA

خالید شوانی و سەعدی پیرە

هەڤاڵ سەعدی ئەحمەد پیرە، ئەندامی مەکتەبی سیاسی یەکێتیی نیشتمانیی کوردستان، ئەمڕۆ لە بەغداد سەردانی خالید شوانی، وەزیری دادی عیراقی کرد و لە دیدارەکەدا ئاراس محەمەد ئاغا ئەندامی سەرکردایەتی و بەرپرسی مەڵبەندی نەینەوای یەکێتی ئامادەی بوو . 

هەردوو لا گفتوگۆیان لەسەر ژمارەیەک بابەتی سیاسی و نیشتیمانی، بە تایبەتی بارودۆخی هەرێمی کوردستان و عیراق کرد.

هەروەها باس لە گرنگی کاراکردنەوەی پەرلەمانی کوردستان کرا و جەخت لەسەر ئەوە کرایەوە کە پێویستە بە خێرایی هەنگاوە پێویستەکان بۆ پێکهێنانی حکومەتی نوێی هەرێمی کوردستان بگیرێن، بە شێوەیەک کە وەڵامدەرەوەی پێداویستییەکانی هاووڵاتیان و قۆناغی ئێستای هەرێم بێت، بە کردار و دوور لە شیعارات.

PUKMEDIA